Үлэнэн боруостууру кэрэйэн холуонньаҕа киирдэ

Кэбээйи улууһун борокуратуурата алименин төлүүртэн куотуу иһин буруйдаммыт 46 саастаах олохтоох киһи холуобунай-толорор иниспиэксийэтин уурааҕын дьүүллэһиитигэр кытынна.

Бу туһунан СӨ Борокуратуурата иһитиннэрэр. Буруйданааччы судаарыстыбаннай автономнай тэрилтэҕэ үлэлии сылдьан, хас да күн устата арыгылаан үлэтигэр тахсыбатах, онон сибээстээн бэйэтэ уурайарга күһэллибит. Буруйу үлэнэн боруостааһын оннугар кытаанах миэрэ ылыллыан сөбүн туһунан сэрэтии бэриллибитин үрдүнэн, эр киһи холуобунай-толорор иниспиэксийэ үлэнэн көннөрүүгэ ыҥырбытын наадалааҕынан аахпакка, үлэлииртэн аккаастаммыт.

Суут борокуруор санаатын учуоттаан туран, буруйдаах киһи көнөр суолга турар туһунан толкуйдаабакка, буруйун боруостууртан куотуна сатыырын иһин 2 ый 5 хонук болдьоххо холуонньа-поселениеҕа хаайарга уурда. Суут быһаарыыта сокуоннай күүһүгэр киирдэ.