Хаартыска: Дьокуускайдааҕы киин бибилэтиэкэ пресс-сулууспатыттан
Горнай улууһун П.Д.Аввакумов аатынан киин бибилэтиэкэтин дэлэгээссийэтэ улуус баһылыга Н.В.Андреев салалтатынан,култуура управлениетын начаалынньыга В.Н.Быгановалыын Дьокуускайга үлэбитинэн бэртээхэй көрсүһүүгэ сылдьан кэллибит.
Ол курдук, Н.Д.Неустроев аатынан Смарт-бибилэтиэкэҕэ уонна В.Г.Белинскай аатынан кыраайы үөрэтэр бибилэтиэкэҕэ үлэ бастыҥ үөрүйэхтэрин көрдүбүт-иһиттибит. Уһук Илиҥҥэ бастакы уонна билиҥҥитэ соҕотох Смарт-бибилэтиэкэ – элбэх хайысхалаах култуура киинэ, Дьокуускай бибилэтиэкэлэрин «тэбэр сүрэҕэ», Саха сиригэр бастакынан бибилэтиэкэ үлэтин автоматизациялыыр RFID технологияны (радиочастотнай идентификация) киллэрбитэ.
В.Г.Белинскэй аатынан кыраайы үөрэтэр бибилэтиэкэ норуокка биллэринэн «Белинка» 2024 сылга «Култуура» НП кыайыылааҕа буолан модельнай статустаах куорат биир бастыҥ бибилэтиэкэтинэн буолбута. Бу сырыыбытыттан биир идэлээхтэрбит саҥа технологиялары хайдах үлэлэригэр киллэрэн туһана олороллорун билистибит, Дьокуускай куорат баһылыга Е.Н.Григорьев сыллата куорат бибилэтиэкэлэрин сайыннарарга туох үлэ ыытылларын сырдаппытын олус биһирээтибит. Дьокуускай кииннэммит бибилэтиэкэлэрин ситимин кытта себүлэҥмитин кэҥэтэн салгыы үлэлэһэргэ баһылыкпыт этии киллэрдэ.
Биһигини үөрэ-көтө көрсүбүт дириэктэр Ньургуйаана Петровна Решетникова салайааччылаах биир идэлээхтэрбитигэр дириҥ махталбытын тиэрдэбит, үлэҕитигэр үрдүк ситиһиилэри баҕарабыт.
Бу сылга биһиги бибилэтиэкэбит «Дьиэ кэргэн» НП кыайыылааҕа буолан саҥардан оҥоруу үлэтэ ыытыллара былааннанар. Онон саҥалыы тыынынан, сонун сүүрээнинэн үлэбитин өссө кэҥэтэр, далааһынныыр баҕалаахпыт
Анна Иванова,
Бэрдьигэстээх, Горнай.
Хаартыскалар: Дьокуускайдааҕы киин бибилэтиэкэ ситимин пресс-сулууспатыттан
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…