Хаартыска: АЛРОСА пресс-сулууспата
АЛРОСА Корпоративнай университета 2024 сыллаахха Саха сирин үлэтэ суох дьонун алмааһы хостуур хампаанньаҕа үлэҕэ ылар хайысхалаах үөрэх бырайыагын саҕалаабыта. Кинилэр үлэҕэ ылыллалларыгар тэйиччиттэн босхо үөрэниэхтэрин наада.
«2024 сыллаахха өрөспүүбүлүкэ бары улууһуттан, ол иһигэр Мииринэйтэн уонна Ленскэйтэн, 300-тэн тахса киһи үөрэммитэ. Бырайыак үлэтэ суох киһи үөрэнэригэр уонна үлэлэнэригэр, ону сэргэ АЛРОСА тэрилтэлэригэр оробуочай каадырдарга наадыйыы аҕыйыырыгар көмөлөһөр. Үөрэх бырагырааматынан теорияны уонна быраактыканы бараллар. Биһиги АЛРОСА тэрилтэлэрин кытары бакаансыйалары эрдэттэн сөбүлэһэбит. Онон ситиһиилээхтик үөрэммиттэргэ салгыы үлэлии баралларын мэктиэлиибит», -– диэн АЛРОСА Корпоративнай университетын салайааччы Анна Подкаменная кэпсээтэ.
Быйыл Корпоративнай университет 150 үлэтэ суох киһини тэйиччиттэн босхо үөрэтэ ылар.
Холобур, Айхаллааҕы хайа-байытар кэмбинээккэ (Айхал бөһ.) массыынаны өрөмүөннүүр бэһис разрядтаах силиэсэринэн уонна тэриллэри хааччыйар, өрөмүөннүүр 5-с разрядтаах силиэсэринэн үлэҕэ ылыллар курдук үөрэниэххэ сөп.
Мииринэйгэ АЛРОСА хапытаалынай тутууга управлениетыгар үһүс разрядтаах технологическай тэрили таҥааччы ирдэниллэр. Ленскэйгэ «Алмаздортранс» өрүс пуордугар уу суола аһыллар кэмигэр (алтынньы 30 күнүгэр диэри) кыраан (портальнай) 6-с разрядтаах машиниһа, баахта ньыматынан үлэлииргэ кыраан (автомобильнай) 6-с разрядтаах машиниһа уонна сезонунан үлэлэргэ төрдүс разрядтаах стропальщик наадалар.
Ону таһынан баҕалаахтар электрогазосварщик, өрөмүөннүүр силиэсэр, электромонтер уонна КИПиА наладчигын идэтигэр үөрэнэн, салгыы Мииринэйгэ, Удачнайга уонна Айхалга сылааһынан уонна уунан хааччыйар тэрилтэҕэ үлэлиэхтэрин сөп. Оттон материальнай-тиэхиньиичэскэй хааччыйыы управлениета АЛРОСА Корпоративнай университетыгар үөрэммит 5-с разрядтаах силиэсэр-сантехнигы үлэҕэ ылар.
От ыйын 31 күнүгэр сарсыарда 8 чаас саҕана «Нам» айан суол 10-с биэрэстэтигэр массыыналар харсыһыыларынан…
Аллайыахаҕа хайдах күн-дьыл буолбутун туһунан Чокуурдаах олохтооҕо Иван Иванов маннык суруйда: -- Биһиэхэ сайыммыт бүттэ.…
Бу күннэргэ анал байыаннай дьайыы зонатыгар гуманитарнай сырыыларынан Үөһээ Бүлүү улууһун дэлэгээссийэтэ Запорожскай уобаласка биир…
Дьокуускайга Залог оройуонугар “3 №-дээх оскуола” тохтобулугар түспүт дьон Тимирязев уулусса диэки барыыга эрэйдэнэллэр. Маннык…
Өрөспүүбүлүкэҕэ «Мак-2025» биэдэмистибэлэр икки ардыларынааҕы суһал-сэрэтэр тэрээһин бастакы түһүмэҕэ ыытылынна. Онно өрөспүүбүлүкэ быраабы араҥаччылыыр структураларын…
Арассыыйа Киин быыбардыыр хамыыһыйата "Госуслуги" нөҥүө "дьиэҕэ куоластыыр" туһунан сайабылыанньаны тутуу бэрээдэгэр уларытыылары киллэрдэ. 2025…