Үлэтэ суохтар идэни босхо ылыахтара

Үлэтэ суохтар идэни босхо ылыахтара

20.11.2022, 13:00
Бөлөххө киир:

Өрөспүүбүлүкэҕэ  үлэтэ суох дьон Идэни урутаан бэлэмнээһин киинигэр босхо үөрэниэхтэрэ. Бу үлэ «Демография» нацбырайыак «Содействие занятости» федеральнай бырайыак чэрчитинэн ыытыллар. 2022 сылтан Саха сирин тустаах киинэ эрэгийиэҥҥэ операторынан буолар.

Соторутааҕыта бу оператор былаһааккатыгар Нэһилиэнньэ дьарыктаах буолуутун киинэ уонна Үөрэтии кииннэрэ сүбэ биэрдилэр. Онон дьон бырайыакка кыттыы усулуобуйатын билистилэр, баҕарар идэлэригэр үөрэнэргэ сайаапка хааллардылар.

Быйыл кимнээх босхо үөрэниэхтэрин сөбүй:

— учуокка турар үлэтэ суох дьон;
— 3 сыл декрет уоппускатыгар олорор дьахталлар;
— 7 диэри саастаах оҕолоох  үлэтэ суох ийэлэр;
— биэнсийэҕэ тахсаары сылдьааччылар;
— 50+ саастаахтар;
— үлэлэриттэн уһуллар кутталлаахтар.

Эрэгийиэн оператора этэринэн, бу ый бүтүөр диэри куурустарга истээччилэри талыахтара. Бүгүҥҥү туругунан 7 тыһыынча сайаапка киирдэ. Үөрэниэн баҕалаахтартан сайаапкалары күүтэллэр.

Ханнык идэлэргэ үөрэтэллэр?

— Интэриниэт-маркетинг
— Биисинэс-былааннааһын (учуокка турар үлэтэ суохтарга)
— Парикмахер (учуокка турар үлэтэ суохтарга)
— Кондитер (учуокка турар үлэтэ суохтарга)
— Бортунуой (учуокка турар үлэ э суохтарга)
— Мэдиссиинэ сиэстэрэтэ (учуокка турар үлэтэ суохтарга)
— Мэдиссиинэ уонна социальнай өттүнэн көрүү-истии
— Маникюр оҥорооччу (учуокка турар үлэтэ суохтарга)
— Хаас уонна кыламан оҥоруутун маастара (учуокка турар үлэтэ суохтарга)
— Сиделка (учуокка турар үлэтэ суохтарга)
— Видеооператор (учуокка турар үлэтэ суохтарга)
— Графическай дизайн уонна веб-страница верстката (бары категориялар)
— Веб-разработка технологиялара (учуокка турар үлэтэ суохтарга)
— 1С:Предприятие 8″ платформаҕа ИТ-решение разработчига (учуокка турар үлэтэ суохтарга)
— Сварщик (учуокка турар үлэтэ суохтарга)
— Бульдозер машиниһа (учуокка турар үлэтэ суохтарга).

Ыйытар төл: 89244602260, 89242747955

Лента
Салгыы
30 ноября
  • -34°C
  • Ощущается: -41°Влажность: 67% Скорость ветра: 2 м/с