ИДьМ Дьокуускайдааҕы 4-c №-дээх полиция салаатыгар салайар хампаанньа бэрэстэбиитэлиттэн үҥсүү киирбит.
Ол курдук, өрөмүөн үлэлэрэ ыытылла турар кэмнэригэр биллибэт киһи электроинструменнары уорбут. Хоромньу уопсай сууммата 24 тыһыынча солкуобайга тэҥнэспит. Суһал көрдөөһүн үлэлэрин түмүктэринэн, холуобунай ирдэбил үлэһиттэрэ Дьокуускай куорат 38 саастаах олохтооҕун туппуттар.
Онно биллибитинэн, уорбаланааччы табаарыһын кытта массыынанан хатааһылыы сылдьан Севернай уулуссаҕа тохтообуттар. Онно элбэх кыбартыыралаах дьиэ анныгар сыбааркалыыр аппараат, прожектор, шлифтыыр массыына турарын көрбүт. Салайар хампаанньа үлэһитэ бу инструменнары быстах кэмҥэ хаалларбыт эбит. Уорбаланааччы түгэни туһанан инструменнары уоран ылбыт.
Арассыыйа Федерациятын холуобунай кодексатын 158 ыст. «Уоруу» диэнинэн холуобунай дьыала тэриллибит. Уоруллубут инструменнар төннөрүллүбүттэр диэн ИДьМ Дьокуускайдааҕы МУ пресс-сулууспата иһитиннэрэр.
Уулуссаҕа хааман иһэн харчы буллаххытына хайыыгытый? Бэйэҕитигэр ыллаххытына, уорбут аатыраҕыт. Оччотугар? Хас биирдии харчы хаһаайыннаах,…
"Дьокуускай-Аллараа Бэстээх" хайысханан паром сырыыта күн-дьыл эмискэ тымныйыытынан уонна өрүскэ уустук гидрологическай туругунан сибээстээн эрдэ…
Бүгүн Саха сирин сорох улуустарыгар 35 кыраадыска тиийэ тымныйыаҕа диэн УГМС иһитиннэрэр. Өрөспүүбүлүкэ арҕаа, соҕуруу,…
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…