Кэлиҥҥи кэмнэ киhи олоҕун тэтимэ олус түргэтээтэ. Хас да дьыаланы тэҥҥэ тута оҥоруу, хас да үлэнэн сүүрүү-көтүү — бу киhи доруобуйатыгар охсуулаах.
Киhи бэйэтин ис туругун истэн, ылынан сырыттаҕына эрэ үлэтэ таhаарыылаах, хаачыстыбалаах буолар. Киhи үлэттэн сылайыытын, хал буолуутун сүрүн төрүөттэринэн буолаллар: күн аайы биири оҥоруу, үлэҥ түмүгэ көстүбэтэ, бириэмэ тиийбэтэ. Маннык турукка киирбит киһи туохха да наадыйбат, туох да кинини үөрдүбэт, умнуган, этэ-сиинэ күүрэ сылдьар, ыарыыта элбиир. Бу турукка киирбэт инниттэн:
— Олоххор кыра туох эрэ уларытыыны киллэр.
— Айылҕаҕа сырыт. Айылҕа киһини уоскутар, санааны сааһылыыр, санааҕа ылларыыттан босхолуур күүстээх. Чэбдик салгынынан элбэхтик тыын.
— Ханна эрэ айаннаа. Хаһан да сылдьыбатах сирдэргин көр. Айаннаатахха билииҥ-көрүүҥ кэҥиир.
— Успуорт хайа эмэ көрүҥүнэн дьарыктан, эккин-хааҥҥын эрчий.
— Маастар-кылааска дьарыктан (үҥкүү, ырыа, уруһуй, иистэнии, о.д.а)
— Психолокка сырыт.
— Атын эйгэҕэ үлэлээн, бэйэҕин боруобаланан көр.
— Арыгыттан, табахтан аккаастан.
— Сөпкө аһаа, сөпкө утуй, күннээҕи эрэсиимҥин тутус.
Киһи сылтан сыл бэйэтигэр саҥаттан саҥа сыалы-соругу туруоран ону ситиһэн истэҕинэ, онтон сырдаан олоҕо тупсар. Ким үлэлээх — ол дьоллоох, ким сүрэхтээх — ол ситиһиилээх. Үлэ киһини киэргэтэр.
Нэһилиэнньэ доруобуйатын уонна ыарыыны сэрэтэр өрөспүүбүлүкэтээҕи киин матырыйаалынан
Бүгүн Ил Түмэн тохсус ыҥырыылаах пленарнай мунньаҕар 2025 сылга уонна 2026-2027 сылларга былааннанар кэмҥэ Саха…
Бу куонкуруска ким баҕалаах Саха сирин устун кыһыҥҥы айанын устан кыттыан сөп. Видеоролигы суотабай төлөпүөҥҥэ…
Киһи этинэн-сиининэн сэрэйэн эбэтэр туохха эрэ олоҕуран бу күннэргэ туох буолуохтааҕын билэр. Биттэнии арааһа элбэх.…
Саха сиригэр Арктика улуустарыгар “күөх рейстэри” ыытыы салҕанар. Таһаҕас уу суола тиийбэт Анаабыр, Өлөөн, Эбээн…
Муусука үрдүкү оскуолатын саҥа куорпуһун тутууга бу сылга былааннаммыт үлэ барыта туолбутун туһунан Судаарыстыбаннай сакаасчыт…
Ил Түмэн тохсус уочараттаах пленарнай мунньаҕар норуот дьокутааттара 2024 сылга уонна 2025-2026 сылларга былааннанар кэмҥэ…