Ылыллыбыт боруобаҕа ньиэп булкадаһыга ирдэнэр нуорматтан тахсыбат

Ылыллыбыт боруобаҕа ньиэп булкадаһыга ирдэнэр нуорматтан тахсыбат диэн Роспотребнадзор Саха сиринээҕи управлениетын салайааччытын солбуйааччы Наталья Борисова бүгүҥҥү брифинг кэмигэр иһитиннэрдэ.

“Боруобаны нэһилиэнньэлээх пууннар үөһэ өттүнээҕи кытылларыттан уонна өрүстэн сууккаҕа иккитэ ылыллар. Бэс ыйын 13 уонна 14 күннэринээҕи боруобалар түмүктэрэ көрдөрбүттэринэн, ньиэп бородууксуйатын булкадаһыгын нуорматтан тахсыыта бэлиэтэммэтэ”, — диэн Роспотребнадзор Саха сиринээҕи управлениетын салайааччытын солбуйааччы иһитиннэрдэ.

Боруобалары Ленскэй улууһун Витим уонна Пеледуй бөһүөлэктэриттэн, Өлүөхүмэ улууһугар Өлүөхүмэ, Хаҥалас улууһугар Покровскай анныттан ылаллар.

Наталья Борисова Өлүөнэ өрүскэ ньиэп бородууксуйата төһө баарын-суоҕун күннэтэ  лабораторнай кэтээн көрүүнү, Роспотребнадзор Саха сиринээҕи управлениета 2023 сыл бэс ыйын 13 күнүттэн оҥорор диэн этэр.

Ууга ньиэп бородууктата баарын-суоҕун быыстала суох кэтээн көрүү, Иркутскай уобалас Алексеевскай бөһүөлэгэр «Ерофей Хабаров» уонна «Алексеевская РЭБ» теплоходтар харсыһыыларын түмүгэр Өлүөнэ өрүскэ бэнсиин тохтуутун төрүөтүнэн оҥоһуллар.

Ил Дархан уонна Бырабыыталыстыба пресс-сулууспата.