Сыл саҥатыттан дойду үрдүнэн ынах арыытын сыаната намтаата

Ааспыт нэдиэлэҕэ кулун тутар 25-31 күннэригэр дойду үрдүнэн ынах арыытын сыаната 0,2%-нан намтаабыт. Росстат дааннайдарынан, намтааһын сыл саҕаланыаҕыттан иккис төгүлүн бэлиэтэннэ.

Ити иннинэ Росстат олунньу 18-24 күннэригэр ынах арыытын сыанатын намтааһынын 0,06% бэлиэтээбитэ. Ону сэргэ кулун тутар 25-31 күннэригэр сымыыт сыаната — 0,8, куурусса этэ уонна ириис курууппа — 0,3, оҕо аһылыга — 0,2, гречка уонна сэлиэһинэй куруппата 0,1% намтаабыт. Сыл саҕаланыаҕыттан ордук хортуоппуй (+28,9), хаппыыста (+16,8), сүбүөкүлэ (+14,1) сыаната үрдээбит.

«Парламентская газета» суруйарынан, Арассыыйаҕа сыллааҕы инфляция кулун тутар 25 күнүттэн 31 күнүгэр диэри 10,11-тэн 10,24% диэри түргэтээбит. Санаттахха, былырыын киин куорат бааһынай ырыынагар хаһаайыстыба ынах арыытын киилэтин 1200 солк. атыылыыр этэ. Биир киилэлээх суораттара — 250 солк. буолара.

Ынах арыыта – 1200 солкуобай