Хаартыска Алена Гаврильева тиксэриитэ
Кыайыы 80 сылынан, Маай бырааһынньыктарынан Уус Алдаҥҥа Найахыбыт кулуубун үрдүк сыанатыгар буолбут кэнсиэр көрөөччүнү сэргэхситтэ.
Кэнсиэргэ уһуйаан оҕолоруттан саҕалаан, улахан дьоҥҥо тиийэ, барыта 12 кэлэктиип, уопсайа 94 киһи кытынна. 25 бииртэн биир үчүгэй үҥкүүлэр үҥкүүлэннилэр.
Кэнсиэри чорооннорун өрө тутан биир тэҥник хамсанан Саһарҕа түөлбэ үҥкүүһүттэрэ бэккэ саҕалаатылар. Салгыы соторутааҕыта эрэ Санкт-Петербург куоракка норуоттар икки ардыларыгар ыытыллыбыт бэстибээл лауреаттарынан буолбут «Долун» уол оҕо үҥкүүтүн кэлэктиибэ «Өбүгэ оонньуулара» үҥкүүлэринэн сыанаҕа таҕыстылар.
Кыайыы 80 сылынан уһуйаан кырачаан иитиллээччилэрин үҥкүүһүттэрэ таҥас-сап кэтэн араастаан хамсанан, көрөөччүнү сэргэхситтилэр. Салайааччылар А.В. Стрекаловская, В.М. Гуляева, М.Н.Рожина.
«Күбэйэ» үҥкүү бөлөҕө «Синий платочек», «Чэлгийээнэ» «Смугляночка», «Чэчир» оҕо саадын иитээччилэрин толоруутугар «Сэттэ кут туруйа» , «Көлүкэчээн», кыра бөлөҕүн кыргыттарын толоруутугар «Катюша», орто бөлөҕүн толоруутугар «Тальяночка» үҥкүүлэр Кыайыы бырааһынньыгын көрсө үҥкүүлэннилэр. Ону таһынан, оскуола алын сүһүөҕүн оҕолоруттан саҕалаан биирдиилээн, дуэтынан, бөлөҕүнэн норуот үҥкүүлэрэ туруоруллан кэнсиэри киэргэттилэр.
Үҥкүү түһүлгэтин элбэхтик араас сирдэргэ, кэнсиэртэргэ, куонкурустарга кыттар «Күбэйэ», «Чэлгийээнэ» кэрэ үҥкүүлэринэн уонна «Долун» уол оҕо үҥкүүһүттэрин кыра бөлөҕө, Санкт-Петербурга ыытыллыбыт норуоттар икки ардыларынааҕы бэстибээл лауреаттара «Хаар үҥкүүлэринэн» түмүктээтилэр. Маннык элбэх, кэрэ үҥкүүлэри туруорда кэлэктииптэр салайааччылара, СӨ култууратын туйгуна А.В.Гаврильева. Үҥкүү үҥкүүлэнэригэр, тупсаҕай көстүүлээх буоларыгар таҥас-сап тигэн өрүү өйөбүл буолар төрөппүттэрбитигэр, иистэнньэҥнэрбитигэр барҕа махталбытын тиэрдэбит!
Анисия Гаврильева,
уус-уран салайааччы.
Хаартыскалары тиксэрдэ Алена Гаврильева
Улуу Кыайыы 80 сылын көрсө суол сабыллыан иннинэ Дьокуускайдааҕы "Илии сылааһа" иистэнэр сыахтан матырыйааллары тутан,…
Ыам ыйын 5 - 6 күннэригэр, Аҕа дойду сэриитин бэтэрээннэрэ олорор сирдэринэн, тиэргэннэргэ ырыа-тойук дьиэрэйэр.…
Соторутааҕыта Москва куоракка норуоттар икки ардыларынааҕы “Сокровище Севера-2025” быыстапката буолан ааста. “Сокровище Севера” быыстапка быйыл…
Улуу Кыайыы 80 сылынан Кэбээйи улууһун Ньидьили нэһилиэгэр А.С. Борисов аатынан "Тускул" култуура сайдыытын киинэ…
Аҕа дойду уоттаах сэриитигэр Улуу Кыайыы 80 сылын бэлиэтээһин чэрчитинэн, ыам ыйын 15 күнүгэр диэри…
Бүгүн социальнай ситимнэринэн Үөһээ Бүлүү улууһугар үс эр киһи кырдьаҕаһы бултаабыт хаартыскалара киэҥник тарҕанна. Тугун-ханныгын…