Хаартыскалары Альбина Тарабукина тиксэрдэ
Сэргэй Зверев — Кыыл Уолун аатынан Национальнай Үҥкүү тыйаатырын быйылгы, 44-с айар сезона, Новосибирскай куораттан саҕаланна.
Үҥкүү тыйаатыра, дойду бастыҥ айар кэлэктииптэрин кэккэтигэр киирсэн, бу саас Бүтүн Арассыыйатааҕы бэстибээлгэ кыттарга ыҥырыы туппута. Улахан бэлэмнэнии, тэрээһин үлэ кэнниттэн, кэлэктиип улахан бөлөҕө бэҕэһээ, Сибиир киин куоратыгар, Новосибирскайга, көтөн кэллэ. Үгэскэ кубулуйбут вокальнай-хореографическай искусствоҕа уонна тыйаатыраалынай толорууга туһуламмыт дойду бу бастакы бэстибээлигэр Арассыыйа 16 бастыҥ кэлэктиибэ айымньылаах үлэтин билиһиннэрэр.
Үҥкүү тыйаатыра бу улахан түһүлгэҕэ «Үрүҥ Күн оҕолоро» этнобалетынан кыттар. Кэлэктиип бу сүҥкэн үлэтэ Арассыыйа искусствотын бастыҥ деятеллэрин кытта холбоһуктаах бырайыак. «Үрүҥ Күн оҕолоро» этнобалет уус-уран туруоруутунан, толоруу маастарыстыбатынан уонна ураты матыыбынан көрөөччү биһирэбилин, дьоһун сыанабылы ылбыт айымньылаах үлэ. Тыйаатыр уус-уран салайааччыта Светлана Бессонова, литератураҕа чааһын сэбиэдиссэйэ Вера Черноградская бэлиэтииллэринэн, этнобалет норуот номоҕор, үгэскэ, сиэргэ-туомҥа, историяҕа тирэнэн турбут. Манна норуот үһүйээнигэр олоҕуран, сырдык күүс өрөгөйдүүр, таптал олоҕу тутар анала көстөр. Уус-уран дьүһүйүүнү Үҥкүү тыйаатырын балет артыыстара итэҕэтиилээхтик оонньоон, улахан биһирэбили ылан тураллар.
Бу айар бөлөх: композитор Рашид Каллимулин (Москва), хормейстер Светлана Смирнова (Одесса), худуоһунньук Олег Молчанов (Санкт-Петербург), либретто ааптардара Георгий Ковтун (Санкт-Петербург), Светлана Бессонова (Дьокуускай), режиссер уонна хореограф Георгий Ковтун,
этнобалет муусуканан доҕуһуолун салайбыт норуот үнүстүрүмүөннэригэр идэтийбит оркестр кылаабынай дирижера Николай Петров үрдүк таһымнаах маастарыстыбаларын чаҕылхай туоһута. Бу туруорууга Анна Томская салайар «Кыл Саха» төрүт дорҕоон бөлөҕө Үөһээ Дойду Айыыларын уобараһыгар оонньууну дьиҥ саха матыыбынан доҕуһуоллаан, көрөөччү дьикти эйгэҕэ киирэр кыаҕын олохтуур.
«Үрүҥ Күн» оҕолоро Новосибирскай уонна Академкуорат улахан саалаларын сыанатыгар туруоҕа.
Арассыыйа уонна СӨ култууратын үтүөлээх үлэһитэ Александр Алексеев салайар Сергей Зверев- Кыыл Уолун аатынан Үҥкүү Национальнай тыйаатырын айар кэлэктиибэ, бу күннэргэ, мусукаалынай, хореографическай искусство деятеллэрин уонна Сибиир көрөөччүлэрин сыанабылларын ылыаҕа.
Альбина Тарабукина.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…