Үҥкүү успуордун сойууһа устудьуоннары үөрэтэр

Үҥкүү успуордун сойууһа ыытар сааскы үөрэх-эрчиллиитигэр аан бастаан ХИФУ устуодьуоннара кыттыыны ыллылар. 

Ол курдук, «Сэргэлээх уоттара» култуура киинин иһинэн үлэлиир «Уран», «Кыталык», «Ситим» үҥкүү бөлөхтөрүн S үрдүкү кылаастаах үҥкүүһүттэр Айана Николаева  уонна Серафим Лепихов оҕолору  латиноамериканскай үҥкүү бырагырааматынан эрчийдилэр. Үҥкүү успуордун сойууһа сотору  устудьуоннар ансаамбылларын тэрийэр былааннаах.

Кулун тутар 25-29 күннэригэр ыытыллыбыт эрчиллиигэ 76 ыччат кыттыбыт, онтон 48 — оҕо, 28 — устудьуон.

Устудьуоннары тэҥэ  «Санрайз», «Квикстеп», «Попарам», «Надежда» (А.Г. И Н.К. Чиряевтар ааттарынан Дьокуускай куораттааҕы гимназия), «Кыталык» (Майа сэл.), «MaryDance» (Нерюнгри к.) уо.д.а. үҥкүү бөлөхтөрө эрчиллиини эмиэ аастылар.