Үҥкүүлүү тиийэн баран өйүн сүтэрбит, сыҥааҕын тоһуппут

Дьокуускай полициятын дьуһуурунай чааһыгар мэдиссиинэ тэрилтэтиттэн Дьокуускай олохтооҕо сыҥааҕын тоһутан кэлбитин туһунан иһитиннэрбиттэр. Бу туһунан СӨ ИДьМ иһитиннэрэр.

Полиция үлэһиттэрэ эмсэҕэлээччиттэн ыйытан, кини Жорницкай уулуссатыгар баар түүҥҥү сынньанар сиргэ үҥкүүлүү сылдьан эрдэ билсибэт киһитин кыттан айдаарсыбытын, ол түмүгэр таһырдьа тахсан сирэйгэ саайыллан өйүн сүтэрбитин туһунан билбиттэр. Суһал көмөнөн балыыһаҕа кэлбит.

Холуобунай ирдэбил үлэһиттэрэ Анаабыртан төрүттээх 24 саастаах киһи уорбаланарын быһаарбыттар.

Киһи доруобуйатын соруйан эчэппитин иһин холуобунай дьыала тэрилиннэ.