Наталья Антоева хаартыската
Таатта улууһугар Ытык Күөлгэ Ф.С.Аргунов аатынан оҕо ускуустубатын оскуолатын хореография отделениетын тэрийиитинэн, өрөспүүбүлүкэтээҕи «Кыайыы вальса» бэстибээл-күрэс чэрчитинэн, сүрэҕи-быары сылаанньытар олус истиҥ уонна сэргэх тэрээһин ыытылынна.
Улуус үөрэнээччилэрин икки ардыларыгар «Үҥкүүлүүр Таатта-2025» бальнай үҥкүүлэри толорооччулар түһүлгэҕэ түмүстүлэр.
Күөн күрэскэ Харбалаахтан, Уус Тааттаттан, Дэбдиргэттэн, Туора Күөлтэн, Чөркөөхтөн, Ытык Күөл 1 №-дээх оскуолатыттан, Тааттатааҕы оҕо ускуустубатын оскуолатыттан барыта 130-ча оҕо кыттыыны ылла.
Ирдэбил быһыытынан саастарынан 5 категориянан, 2 бөлөҕүнэн арахсан илин-кэлин түһүстүлэр. Ол курдук, А (ДШИ филиаллара), Б (орто оскуолалар) күрэхтэстилэр. Түмүк биирдилээн толорууга уонна паараларынан үҥкүүгэ таҕыста. Кыайыылаахтар дипломнарынан, мэтээллэринэн наҕараадаланан үөрүү-көтүү өрөгөйүн биллилэр. Бары да санааларын ууран, олус үчүгэйдик, ис сүрэхтэриттэн бэлэмнэнэн кэлбиттэрэ тута биллэр, харахха быраҕыллар.
Хамаандаларынан эмиэ түмүк таҕыста. Ол курдук, саамай элбэх оҕону кытыннарбыт уонна элбэх кыайыыны ситиспит А бөлөххө (ДШИ) Тааттатааҕы оҕо ускуустубатын оскуолатын хореография отделениета (сал: Иванова Р.М., Ефимова А.М), Б бөлөххө (орто оскуолалар) Игидэй орто оскуолатын үҥкүүһүттэрэ (сал: Захарова А.И, Захарова А.К) кыайыылааҕынан тахсаннар кубогынан, дипломунан наҕараадаланнылар.
Инникитин маннык күрэхтэһиилэргэ оскуолалар болҕомтоҕо ылан, суолталаан, ускуустуба биир кэрэ көрүҥэр, бальнай үҥкүүлэри толоруу көрүүлэригэр оҕолору көхтөөхтүк кытыннаралларыгар баҕарабыт.
Күрэхтэһии дьүүллүүр сүбэтигэр үлэлээбит улуустааҕы норуот айымньытын дьиэтин методиһыгар Васильева А.И., Ытык Күөл 1 №-дээх оскуолатын хореограбыгар Маркова Э.В, «Кэнчээри» оҕону сайыннарар киин хореограбыгар Рахлеева Н.Т., Оҕо спортивнай оскуолатын дириэктэригэр Ноенохов Е.Е, оҕолору бэлэмнээн аҕалбыт салайааччыларга Голикова Е.П, Лукина Н.Г, Кононова Т.К, Захарова А.И, Андросов С.Д, Маркова Э.В., Семенова Л.Н. уонна тэрээһиммитигэр күүс-көмө буолбут дьоҥҥо бука барыларыгар барҕа махталбытын тиэрдэбит.
Розалия Иванова
Наталья Антоева хаартыскаларга түһэриитэ
Саха сирин Борокуратуурата иһитиннэрэринэн, Өлүөхүмэ куорат дьаһалтата ыкка ытыртарбыт оҕо төрөппүттэригэр 500 тыһыынча солкуобайы төлөөтө. …
Сибэкки дьөрбөтүн оҥорор буоллахха, араас-араас өҥүттэн хомуйар ордугун психологтар сүбэлииллэр: Кыһыл - киһиэхэ күүс-уох, сэниэ…
Саха сиригэр кэнники уонча сылга сандал сааспыт биллэ эрдэ кэлэр буолла. Өскөтүн урут олунньуга кырачаан…
Кыайыы 80 сылын көрсө Дьокуускай куоракка ''Якутяне - труженики тыла'' бырайыак үлэтин саҕалаата. Өрөспүүбүлүкэтээҕи медиакииҥҥэ…
Дьокуускай куорат борокуратуурата ИДьМ Силиэстийэлиир управлениета РФ ХК 159 ыст. 3 ч. (улахан кээмэйдээх түөкүннээһин)…
Элбэх көрөөччү көрдөһүүтүнэн, “Аламай таас” сэрийээли көрбөтөх дьоҥҥо “Саха” НКИХ өссө төгүл хатылыаҕа. Алмаас бырамыысыланнаһыгар…