Хаартыскаҕа: саха суруйааччылара.
Ахсынньы 2 күнүгэр Дьокуускайга саха суругунан литературата төрүттэммитэ 125 сылыгар анаммыт тэрээһиннэр ыытыллыахтара.
Сарсыарда 10 чаастан Гуманитарнай чинчийии институтугар билим-быраактыка кэмпириэнсийэтэ, киэһэ 5 чаастан Саха тыйаатырыгар уопсастыбаннас үөрүүлээх мунньаҕа буолуохтара.
Бу бэлиэ тэрээһиҥҥэ ыҥырыылаах ыалдьыттар — Арассыыйа Суруйааччыларын сойууһун бырабылыанньатын эппиэттээх сэкирэтээрин солбуйааччы Геннадий Иванов, «Эдэр гвардия» кинигэ кыһатын сүрүн эрэдэктэрэ Мария Залесская, бэйиэт, тылбаасчыт Сергей Гловюк, учуонай, Башкортостан Национальнай литературнай мусуойун дириэктэрэ Залия Брусько, Алтаай норуодунай дьокутаата Петр Попошев кэллилэр.
— Саха сиригэр элбэхтик кэлэ сылдьыбытым, ол эрээри, ахсынньыга аан бастакыбын кэллим. 20 сыллааҕыта «Литературная газета» хаһыакка үлэлии сылдьан, аан бастаан саха литературатын кытта билсибитим. Хаһыакка «Многоязыкая лира России» сыһыарыыны төрүттээн, таһаарарым. Бастакы нүөмэрэ саха литературатыгар анаммыта. Классик уонна аныгы суруйааччылар айымньылара бэчээттэммиттэрэ. Онтон «Поэзия народов кириллической азбуки ХХ-ХХI» антологияҕа саха поэзиятын 1 туома тахсыбыта. Сахалар үөрүөхтэрин иһин, икки тылынан — сахалыы уонна нууччалыы бэчээттэммитэ. Кинигэ 2009 сыл ыам ыйыгар Москваҕа «Славянныы сурук-бичик күнүгэр» уонна Дьокуускайга ыһыах кэмигэр сүрэхтэммитэ. Бу кинигэ хаста да хос бэчээттэммитэ, ол иһигэр атын дойдуларга тылбаастанан.
Сахалар ыалдьытымсахтарын уонна ыһыах сиэдэрэй кэрэтин биир-икки тылынан этэр кыаллыбат. Дьиктилээх дойду! Тыйыс килиимэт сахалары сүрдээх тулуурдаах, хорсун, эрчимнээх, талааннаах норуот гына уһаарбыт. Кинилэр бэйэлэрин ураты ускуустубаларынан уонна култуураларынан өссө да сөхтөрүөхтэрэ турдаҕа, — диэн Сергей Гловюк санаатын үллэһиннэ.
Саха суругунан литературатын төрүттэниитэ 1900 сыллаахха Өксөкүлээх Өлөксөй «Байанай алгыһа» айымньыта бэчээттэммититтэн ааҕыллар. Литература баар буолан, саха өйүн-санаатын кылаана, тылын-өһүн талаана үйэтийэр, тарҕанар. Ахсынньы 2 күнүгэр саха суругунан литературатын төрүттэниитэ 125 сылын бэлиэтиир үөрүүлээх тэрээһиннэргэ кэлэн кыттаргытыгар ыҥырабыт!
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…