Үп-экэниэмикэ кэллиэһэ уонна “Сбер Школа 21” бииргэ үлэлэһиигэ сөбүлэҥ түһэристилэр

“Цифровой алмаас” III федеральнай пуорум кэмигэр И.И.Фадеев аатынан үп-экэниэмикэ кэллиэһэ уонна “Школа 21. Якутия” бииргэ үлэлэһиигэ сөбүлэҥ түһэристилэр.

Дуогабары кэллиэс дириэктэрэ Анастасия Соломова уонна “Школа 21. Якутия” дириэктэрин эбээһинэһин толорооччу Екатерина Сперанская баттастылар.

Сөбүлэҥ иитинэн тэрилтэлэр үөрэх, каадыры уонна үрдүк технология чөмпүйэнээтигэр эспиэртэри бэлэмнээһиҥҥэ хардарыта ситими олохтуурга, нэһилиэнньэ үпкэ кырааматынаһын  үрдэтиигэ үлэлэһиэхтэрэ. Бу туһунан Үөрэх уонна билим министиэристибэтин телеграм ханаалыгар сырдаталлар.

Санатан эттэххэ, Школа 21 – бу Сбер үлэлэтэр, 18-тан үөһэ саастаахтар аныгы кэмҥэ ирдэнэр ИТ хайысхаларга идэ ылалларыгар кыах биэрэр бырайыага буолар. Оскуола кампуһа Дьокуускайга былырыын Уһук Илиҥҥэ аан бастакынан, Арассыыйаҕа алтыһынан аһыллыбыта. Дойду араас куораттарыгар барыта 16 кампус үлэлиир, онно 5,8 тыһ. тахса киһи үөрэнэр.