Үп-харчы гороскоба: бу нэдиэлэ үп-харчы өттүнэн тугу тосхойор эбитий?

Элбэх харчы, элбэх долгуйуу. Бу нэдиэлэҕэ үп-харчы өттүнэн эһигини туох күүтэрий?

Кэлии, барыы, сүүрүү-көтүү — маннык тэтимнээх нэдиэлэ буолуоҕа. Барытыгар бэлэмнээх буоларгыт наада, араас түгэннэр тахсаллара күүтүллэр. Олус араас түгэннэрдээх, сонуннардаах нэдиэлэ үүммүт. Сорохтор элбэх харчыны эккирэтиэхтэрэ, атыттар кирэдьиит төлүүр туһунан толкуйданыахтара. Хас биирдии буукубаны, бэлиэни, кистэлэҥ сэкириэттэри ырытыҥ, чинчийиҥ, чуолкайдаан.

Маны таһынан ый туолуутун туһунан умнумаҥ — түмүгү таһаарар кэм кэлбит. Хомунуҥ, чопчулаан, ырытыҥ, онтон эрэ сөптөөх быһаарыыта ылыныҥ. Дьол-туску хорсун дьону сөбүлүүр, ол гынан баран тиэтэйэр дьоҥҥо мэһэйдэри үөскэтэр.

Сулустар сүбэлииллэр:
— үлэ ханна да куотуо суоҕа. Билигин уустук кэм буоллаҕына, ол аата салгыы судургутук үлэлиэххит;
— кистэммит барыта син-биир биллэр, онон албыны-күөлдьүнү истимэҥ. Өйдөөхтүк үлэлээ;
— айаҥҥа сэрэнэн, бытааннык сылдьар наада. Туох да суолтата суох, улахан ороскуоттаах сырыылары тэрийимэҥ;
— атын дьону көрөн-истэн ымсыырымаҥ. Атыттарга мэһэйдэри таһаарымаҥ;
— ыйытыҥ, ол эрээри ирдээмэҥ — барыта кэминэн туолуоҕа.

Хой: бриллианнар курдук күлүмүрдээн! Билигин эһиги бириэмэҕит: сыаналыахтара, бэлиэтиэхтэрэ, наҕараадалыахтара.

Оҕус: сэрэхтээх буолуҥ. Сыыһа иһиллибит сонун хоп-сип буолар, атыҥҥа тиэрдэр. Кэпсэтии оннугар дьыаланан дьарыктанар ордук.

Игирэлэр: нэдиэлэ саҕаланыытыгар энергияны мунньунар ордук. Ол оннугар өрөбүллэргэ бэйэни үөрдүөххэ уонна туох эрэ үчүгэй атыылаһыахха сөп.

Араак: дьиэҕититтэн сынньана тахсыаххыт, айанныаххыт. Санаарҕаамаҥ, айан-сырыыттан түох эрэ үчүгэйи аҕалыаххытын сөп.

Хахай: ону-маны мээнэ саҥарымаҥ, дьону өһүргэтиэххит. Салайааччылар сөбүлүөхтэрэ суоҕа, бэрэбиэркэлээччилэр эмиэ.

Кыыс: ситиһиини чугас тулалыыр эйгэҕитигэр көрдөөн. Чугас дьоҥҥут саҥа идиэйэ биэриэхтэрэ, сонун бырайыак сүбэлиэхтэрэ.

Ыйааһын: нэдиэлэ саҕаланыытыгар туох да сатаммат курдук буолуо, ол оннугар бүтэһигэр кыайыылаах тахсыаххыт.

Скорпион: бэнидиэнньиккэ барыларын кытта этиспит буоллаххытына, бээтинсэҕэ эйэлэһиэххит.

Охчут: бэнидиэнньиккэ уонна оптуорунньукка харчы уурунар ордук, бээтинсэҕэ үрдүкү салалтаттан куотунуҥ, оттон өрөбүлгэ сынньаныахха сөп.

Чубуку: табыллыы куотаарыы гыммыт, өрө тардыныҥ! Барыта бэйэҕититтэн тутулуктаах.

Күрүлгэн: үп-харчы ааҕынарга, суоттанарга табыгастаах кэм — барытын көрүнүҥ, сэрэхтээх буолуҥ.

Балыктар: бастакы миэстэҕэ романтика, дьыала кэтэстин эрээри, наһаа үлүһүйүмэҥ.