Үп-харчы гороскоба: Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэ үп-харчы эйгэтигэр ураты кэм буолар. Күн Скорпион бэлиэтигэр сылдьар, ол аата дириҥ ырытыы, кистэлэҥ кыахтары көрдөөһүн, иэс, страховка, уопсай үп-харчы боппуруостара инники күөҥҥэ тахсаллар. Венера Чубуку бэлиэтигэр көһүүтэ инникини көрөн былааннааһыны, ороскуоту хонтуруоллууру ирдиир. Онон, бу кэмҥэ иэйиинэн салайтаран атыылаһартан туттунар, хас биирдии хардыыны ыараҥнатан көрөр наада. Карьераҕа дьулуурдаах буолуу барыһы киллэриэн сөп.

Хой 

Бу нэдиэлэҕэ атын дьон үбэ-харчыта, иэс, кирэдьиит эбэтэр инвестиция боппуруостара бастакы миэстэҕэ тахсыахтара. Урукку иэстэри төлүүргэ эбэтэр саҥа үп киллэринэр кыахтары көрдүүргэ табыгастаах кэм. Карьераҕытыгар салайааччыларгыт эһиги үлэҕитин сыаналыахтара, ол хамнаска дьайыан сөп. Улахан атыыны оҥорорго ыксаамаҥ. Нэдиэлэ ортотугар докумуоннары болҕойон ааҕыҥ.

Оҕус 

Партнердары кытта үп-харчы боппуруостарын быһаарсарга сөптөөх кэм. Бииргэ үлэлиир дьону кытта саҥа бырайыактары саҕалыыр барыстаах буолуон сөп. Эһиги практичнай көрүүгүт үгүскэ туһалыа. Ыраах айаны эбэтэр үөрэҕи былаанныыр буоллаххытына, ороскуотун эрдэттэн ааҕыныҥ Дуогабардары, сөбүлэҥнэри болҕомтолоохтук үөрэтиҥ. Нэдиэлэ бүтүүтэ эбии үп-харчы киирэр кыахтаах.

Игирэлэр 

Үлэҕэ-хамнаска сыһыаннаах харчы боппуруостара элбиэхтэрэ. Күннээҕи үлэҕит иһин төлөбүр, хамнас тупсара, эбэтэр эбии сорудахтан киирэр үп-харчы күүтүллэр. Ол эрээри, доруобуйаҕытыгар ороскуот тахсыан сөбүн умнумаҥ. Бүддьүөккүтүн сааһылааҥ, кыра ороскуоттары аччата сатааҥ. Иэскэ киирэртэн туттунуҥ.

Араак 

Айар дьоҕургут, сөбүлүүр дьарыккыт  үп-харчы киллэрэр кыахтаах. Бэйэҕит талааҥҥытын көрдөрөртөн кыбыстымаҥ, ол саҥа кыахтары арыйыа. Оҕолорго сыһыаннаах ороскуоттар үөскүөхтэрин сөп. Партнергыт үпкэ-харчыга сүбэтэ-амата туһалаах буолуо. Кутталлаах үп-харчы операцияларыттан туттунуҥ. Баар харчыгытын мунньарга, хаҥатарга толкуйданыҥ.

Хахай 

Дьиэ-уот, дьиэ кэргэн үбүгэр-харчытыгар болҕомто ууруллар. Дьиэни өрөмүөннүүргэ, бөдөҥ тэрили атыылаһарга ороскуот тахсыан сөп. Үлэҕитигэр кыһамньыгыт түмүгэ көстөн, үп туруга тупсуо. Хамсаабат баайга-дуолга сыһыаннаах боппуруостар ситиһиилэниэхтэрэ. Ороскуоту дьиэ кэргэни кытта сүбэлэһэн быһаарыҥ. Нэдиэлэ саҕаланыыта ороскуоттаах буолуон сөп.

Кыыс 

Кэпсэтиилэр, билсии-көрсүү, кылгас айаннар үп киллэриэхтэрин сөп. Эһиги информацияны сааһылыыр, ырытар дьоҕургут бу нэдиэлэҕэ барыстаах буолуо. Атыы-эргиэн эйгэтигэр үлэлиир буоллаххытына, ситиһии күүтэр.  Саҥа информацияҕа, саҥа үөрэххэ харчы кэрэйбэт буолуҥ, бу кэлин барыһынан эргиллиэ. Сөбүлүүр дьарыккыттан эмиэ эбии үп киириэн сөп.

Ыйааһын 

Бу нэдиэлэ – үп-харчы киириитин нэдиэлэтэ. Баар кыахтаргытын сөпкө туһаннаххытына, харчыгыт таһыма үрдүөн сөп. Саҥа үп киирэр источниктарын көрдүүргэ табыгастаах. Дьиэҕитигэр-уоккутугар, чугас дьоҥҥутугар харчы ороскуоттуургут дуоһуйууну аҕалыа. Үпкэ сыһыаннаах быһаарыныыны бэйэҕит ылыныҥ, атын дьон тылыгар киирэн биэримэҥ. Барыскыттан кыраны да буоллар ууруна сатаа.

Скорпион

Күн эһиги бэлиэҕитигэр сылдьар, онон үп-харчы боппуруостарын быһаарарга санааҕыт күүһүрүө. Бэйэҕитигэр, тас көрүҥҥүтүгэр, сайдыыгытыгар үп-харчы угаргыт үчүгэй түмүктэри аҕалыа. Интуицияҕыт этэрин истэҥҥит, үпкэ сыһыаннаах сөптөөх быһаарыныыны ылыныаххыт. Харчыны кэмчилээбэккит да иһин, былаана суох ороскуоттан туттунуҥ. Нэдиэлэ ортото үп киирэригэр кэскиллээх.

Охчут 

Бу нэдиэлэҕэ үпкүтүн-харчыгытын сааһылыырга, урукку дьыалалары түмүктүүргэ ордук табыгастаах. Кистэлэҥ эбэтэр күүтүллүбэтэх өттүттэн үп киириэн сөп. Ол эрээри, албыҥҥа киирэн биэрэр куттал баар, онон сэрэхтээх буолуҥ. Аһымал аахсыйаларыгар кыттаргыт эһиэхэ үчүгэйинэн эргиллиэ. Улахан суумалаах харчыны илиигитигэр туппакка, бааҥҥа уураргыт ордук. Кимтэн да иэстээмэҥ, кимиэхэ да иэс биэримэҥ.

Чубуку 

Венера эһиги бэлиэҕитигэр киирэн, үпкэ-харчыга табыллыыны аҕалар. Инникигэ туһуламмыт былааннаргыт, бырайыактаргыт үбүлээһини ылыахтарын сөп. Доҕотторгут, биир санаалаахтаргыт үп боппуруоһугар көмөлөһүөхтэрэ. Саҥа технологиялары баһылааһын эбии үп киллэриэн сөп. Кэликтиибинэн үлэ харчыны аҕалыа. Бэйэҕит идиэйэҕитин тарҕатартан, кэпсииртэн толлумаҥ.

Күрүлгэн 

Карьераҕытыгар улахан болҕомтону ууруҥ – ситиһиилэргит үпкүтүгэр-харчыгытыгар быһаччы дьайыахтара. Салайааччыгыт эбэтэр үрдүкү турар дьон эһигини өйүөхтэрин сөп. Сүбэ-ама истэргэ, былааннары оҥорорго табыгастаах кэм. Улахан сыал туруорунан баран, ол диэки дьулуһуҥ. Нэдиэлэ бүтүүтэ үп киирэрэ күүтүллэр, ол эрээри ороскуот эмиэ тахсыан сөп. Былааннаах буолуҥ.

Балыктар 

Ыраах сирдэри, атын култууралары кытта сибээстээх үлэ үп-харчы киллэриэн сөп. Үөрэххэ, квалификацияны үрдэтиигэ укпут харчыгыт кэлин барыстаах буолуо. Юридическай боппуруостар эһиги тускутугар быһаарыллар кыахтаахтар. Айаҥҥа сыһыаннаах ороскуоттар үөскүөхтэрэ. Саҥа билиилэртэн, саҥа кыахтартан аккаастанымаҥ. Интуицияҕыт үп боппуруоһугар сөптөөх суолу ыйан биэриэ.