Үп-харчы гороскоба: Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох кырдьыга харсыһыахтарын сөп. Албыҥҥа киирэн биэрэр, сыыһа итэҕэйэр куттал баар. Онон үпкэ-харчыга сыһыаннаах боппуруостарга икки бүк сэрэхтээх буоларбыт наада. Ол да буоллар, Меркурий уонна Венера Чубуку бэлиэтигэр киириилэрэ боччумнаах, ыараҥнатыллыбыт быһаарыныылары ылынарга көмөлөһүөхтэрэ.

Хой 

Нэдиэлэ Хойдорго карьераҕа туһуланар. Салайааччыларгыт эбэтэр партнердаргыт үп-харчы боппуруоһугар саҥа этиилэри киллэриэхтэрин сөп.  Дьыалабыай көрсүһүүлэртэн аккаастаныма. Бонуска, хамнас үрдүүрүгэр эрэл баар, ол эрээри көрдөһөртөн толлума. Нэдиэлэ иккис аҥаарыгар күүтүллүбэтэх ороскуот тахсыан сөп, ол иһин харчыгын тутан олор. Улахан атыыны оҥорорго ыксаама.

Оҕус 

Үөрэххэ, айаҥҥа эбэтэр юридическай дьыалаларга харчы бараныан сөп. Тас дойдулары кытта сибээстээх үлэ үп киллэриэн сөп. Саҥа билиини ыларга, квалификацияны үрдэтинэргэ үптээх буоллаххына, кэлин төлөнүө. Сокуону кэспэт гына докумуоннары болҕойон ааҕар буол. Араас сэминээрдэргэ, куурустарга сылдьартан аккаастаныма, инвестицияҥ бэйэҕэр төннүө.

Игирэлэр 

Игирэлэр, бу нэдиэлэҕэ атын дьон харчытын кытта үлэлиэххит. Кирэдьиит, иэс, страховка эбэтэр нэһилиэстибэ боппуруостара инники күөҥҥэ тахсыахтара.  Иэс ыларгар эбэтэр биэрэргэр олус сэрэн. Чэпчэки харчыга, пирамидаларга киирэн биэримэ! Партнеруҥ эбэтэр чугас киһиҥ дохуота үрдүөн сөп, бу эһиги бүддьүөккүтүгэр көмөлөһүө.

Араак 

Бу нэдиэлэ дохуотуҥ партнердаргыттан быһаччы тутулуктаах буолуо. Саҥа дуогабардар, сөбүлэһиилэр үп киллэриэхтэрин эбэтэр, төттөрүтүн, ороскуоттаныахтарын сөп. Хамаанданан үлэлиир ордук. Дьон этиилэрин, сүбэлэрин болҕойон иһит. Нэдиэлэ ортотугар өйдөспөт буолууттан сылтаан харчы сүтэрии куттала баар, онон кэпсэтиини ыксаппакка, ыараҥнатан ыыт.

Хахай 

Эн үлэҕинэн-хамнаскынан эрэ дохуотуҥ үрдүө. «Труд создал человека» диэн этии эйиэхэ ананар. Эбии үлэ, бырайыак көстүөн сөп. Доруобуйаҕар болҕомтолоох буол. Битэмииннэр, массаж эбэтэр сынньалаҥ эйиэхэ күүс эбиэхтэрэ, ол түмүгэр үлэлээн харчы оҥорор кыаҕыҥ улаатыа. Күннээҕи кыра ороскуоттаргын хонтуруоллаа, мунньуллан кэлэн бөдөҥ суумаҕа тахсыахтарын сөп.

Кыыс 

Айар дьоҕуруҥ, хоббиҥ харчы аҕалар кыахтаах. Баҕар, сөбүлүүр дьарыгыҥ дохуоттаах биисинэс буолан тахсыа.  Оҕолорго сыһыаннаах ороскуоттар улаатыахтарын сөп. Кутталлаах үп-харчы операцияларыттан, лотереяттан туттун. Тапталлааххын кытта харчыттан сылтаан этиһимэ. Бу нэдиэлэҕэ оҥорбут инвестицияҥ (холобур, аахсыйа атыылаһыы) кэлин үчүгэй түмүгү биэриэн сөп, ол эрээри дириҥник ырытан баран оҥор.

Ыйааһын 

Дьиэ кэргэҥҥэ, дьиэҕэ-уокка сыһыаннаах үп боппуруостара бастакы миэстэҕэ туруохтара. Дьиэ атыылаһыы, өрөмүөн, аренда төлөбүрэ. Төрөппүттэриҥ үп-харчы өттүнэн көмөлөһүөхтэрин эбэтэр сүбэлиэхтэрин сөп. Дьиэҕиттэн үлэлиир буоллаххына, дохуотуҥ үрдүөн сөп. Хамсаабат баайы-дуолу кытта сибээстээх дьыалаларга сэрэхтээх буол, албын риэлтордарга түбэһимэ.

Скорпион 

Кэпсэтии, информация, угуйук нөҥүө харчы киириэ. Бэйэҥ билиигин-көрүүгүн «атыылаан» үптэниэххин сөп. Үөрэххэ, кылгас айаннарга барар харчыҥ кэлин элбээн төннүө. Сурахтарга, сымыйа сонуннарга итэҕэйэн харчыгын сүтэримэ. Атыы-эргиэн эйгэтигэр үлэлиир буоллаххына, бу нэдиэлэҕэ дохуотуҥ улаатыан сөп.

Охчут 

Бу нэдиэлэҕэ эн болҕомтоҥ барыта харчыга туһаайыллар. Хамнас кэлиэ, эбии үп киириэ, ол эрээри ороскуот эмиэ күүтэр. Бүддьүөккүн оҥоһун, ханна төһө харчы барарын сурунан ис. Улахан баҕалаах атыыны оҥоруоххун баҕарыаҥ, ол эрээри нэдиэлэ бүтүүтүгэр диэри толкуйдаа. Бэйэҕин сыаналаныыҥ үрдээн, хамнаскын үрдэттэрэргэ кэпсэтии ыытаргар табыгастаах кэм.

Чубуку

Меркурий уонна Венера эн бэлиэҕэр киирэн, дьону итэҕэтэр, кэпсэтэр дьоҕуруҥ күүһүрүө. Харчы бэйэтэ эйиэхэ тардыстар курдук буолуо. Тас көрүҥҥэр, имиджкэр харчы кэмнээмэ, бу эйиэхэ эрэли эбиэ, ситиһиигэ тиэрдиэ. Саҥа бырайыактары саҕалыырга табыгастаах кэм, үп-харчы өттүнэн өйөбүл көстүө. Ол эрээри, бэйэҕэр эрэммит санааҕар, тулалыыр дьону истэргин умнума.

Күрүлгэн 

Бу нэдиэлэҕэ кистэлэҥ дохуоттар, эбэтэр күүтүллүбэтэх ороскуоттар баар буолуохтара. Баҕар, кимтэн эрэ иэскин төннөрүөҥ, эбэтэр бэйэҥ төлүөххүн наада буолуо. Үтүөнү оҥорууга, аһымал аахсыйаларга кыттар харчыҥ бэйэҕэр атын суолунан төннүө. Кистэлэҥ дьыалаларга, саарбах этиилэргэ кыттыһыма, харчыгын сүтэриэҥ. Интуицияҕын иһит, ол эрээри сыыппаралары эмиэ ааҕаргын умнума.

Балыктар 

Эн үпкэ-харчыга ситиһииҥ доҕотторгуттан уонна түмсүүлэртэн тутулуктаах. Биир санаалаахтаргын кытта оҥорбут бырайыагыҥ дохуот аҕалыа. Саҥа идиэйэлэргин дьоҥҥо кэпсээ, өйөбүл булуоҥ. IT-технология, социальнай ситимнэри кытта сибээстээх үлэ үп киллэриэ. Ол эрээри, доҕотторгор иэс биэрэргэ эбэтэр ыларга сэрэн, сыһыаҥҥытын буортулуон сөп. Барытын докумуон нөҥүө оҥорор ордук.