Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэҕэ сулустар болҕомтолоох буолары, харчыны өйдөөн туттары уонна инникини былаанныыры ирдииллэр. Саҥа дьыллааҕы бырааһынньыктар кэнниттэн үлэ тэтимигэр киирэр кэм.

Хой  

Бу нэдиэлэҕэ үлэҕэр улахан ситиһии күүтэр. Салайааччыларгын кытта кэпсэтэргэ табыгастаах кэм, хамнас үрдэтэр туһунан сэрэнэн этиэххин сөп. Элбэх харчыны ороскуоттууртан туттун, ордук сыаналаах тиэхиньикэни атыылаһар табыллыа суоҕа. Харчыгын иэстээх дьоҥҥо биэримэ.

Оҕус

Эйиэхэ күүстээх үлэ нэдиэлэтэ. Дохуот кэлиитэ былаан быһыытынан барыаҕа. Ол эрээри, Саҥа дьыллааҕы ороскуот кэнниттэн бүддьүөккүн хаттаан ааҕынаргар сүбэлэнэр. Инвестиция уонна уһун болдьохтоох бырайыактар билигин эйиэхэ барыстаах буолуохтара. Дьиэ-уот тэрилин саҥардарга үчүгэй кэм.

Игирэлэр

Саҥа бырайыактар харчы аҕалыахтарын сөп. Дьоннуун алтыһар, кэпсэтэр дьоҕуруҥ көмөтүнэн эбии дохуот киллэриэххин сөп. Ол гынан баран, саарбах дьыалаҕа кыттыһыма уонна лотереяҕа оонньоомо. Докумуоннары илии баттыах иннинэ үчүгэйдик аах.

Араак

Бу нэдиэлэҕэ дьиэ кэргэн бүддьүөтүгэр болҕомтоҕун уур. Аймахтаргын кытта харчы боппуруоһун быһаарсыаххын сөп. Иэс биэрбит дьонуҥ харчыгын төннөрүөхтэрэ. Бэйэҥ иэс киирэртэн туттун. Атыы-эргиэн эйгэтигэр үлэлиир дьоҥҥо барыстаах нэдиэлэ.

Хахай

Хахайдарга харчы өттүгэр табыллыылаах кэм. Үлэҕэр эбэтэр биисинэскэр саҥа кыахтар арыллыахтарын сөп. Ол эрээри, «баайбын-дуолбун» диэн көрдөрө сатаан, наадата суох малга харчыгын ыһыма. Харчыны мунньунар ордук, кэлин улахан наадаҕа туһалыаҕа.

Кыыс

Ырытыы, ахсаан уонна былаан – бу нэдиэлэ сүрүн тыллара. Харчыгын кэмчилээн ааҕын. Бу кэмҥэ саҥа үлэни көрдүүргэ эбэтэр эбии дохуот киллэринэргэ табыгастаах. Түөкүттэртэн сэрэхтээх буол, ким эрэ эйигин албынныы сатыан сөп.

Ыйааһын

Партнердарыҥ (үлэҕэ эбэтэр олоххо) эйиэхэ үп-харчы өттүнэн көмөлөһүөхтэрин сөп. Бииргэ үлэлиир дьонуҥ сүбэтин истиэххин наада. Улахан атыылаһыыны (холобур, массыына, дьиэ) бу нэдиэлэҕэ былааннаабат ордук. Кэрэ-бэлиэ маллары атыылаһаргар харчыгын харыстаама.

Скорпион

Эйиэхэ уларыйыылаах нэдиэлэ. Соһуччу харчы кэлиэн сөп, эбэтэр, төттөрүтүн, былааннамматах ороскуот тахсыан сөп. Сэрхтээх буол. Харчыгын баан счетугар тутарыҥ ордук, илиигэр элбэх кумааҕы харчыны илдьэ сылдьыма.

Охчут

Бу нэдиэлэҕэ үөрэххэ, саҥа билиини ылыыга уонна айанныырга харчыны ороскуоттуур ордук. Инникитин ити үп-харчы эйиэхэ улахан барыһы аҕалыаҕа. Омук сириттэн эбэтэр атын куораттан үлэ этиитэ киириэн сөп.

Чубуку

Бу эйигин үөрдэр кэм! Төрөөбүт күннэриҥ чугаһаан, энергияҥ уонна дьолуҥ элбиир. Үлэҕэр дьулуурдаах буоллаххына, бириэмийэ эбэтэр хамнас үрдээһинэ күүтэр. Дьоһуннаах дьыалалары быһаарарга, дуогабар түһэрсэргэ саамай табыгастаах кэм.

Күрүлгэн

Тохсунньу ортото эйиэхэ «бэлэмнэнии» кэмэ. Саҥа бырайыактары толкуйдуурга үчүгэй, ол гынан баран, харчыны тута туттар наадата суох. Доруобуйаҕар харчыгын харыстаама. Интэриниэт  нөҥүө атыылаһартан сэрэн.

Балыктар

Ис санааҥ (интуицияҥ) харчыны ханна угаргын, тугу атыылаһаргын сөпкө этиэҕэ. Айар үлэнэн дьарыктанар дьоҥҥо олус ситиһиилээх нэдиэлэ. Харчы кэлиитэ эн тус сыраҕыттан уонна дьоҕургуттан тутулуктаах. Аһымал дьыалатыгар кытыннаххына, үтүөтэ бэйэҕэр төннүөҕэ.