Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэҕэ халлаан куйаарыгар улахан уларыйыы күүтэр – Күн Чубуку бэлиэтиттэн тахсан, саҥаны, сонуну сөбүлүүр Күрүлгэн  бэлиэтигэр киирэр. Ол аата, биһиги үпкэ-харчыга сыһыаммыт эмиэ уларыйар. Бөлөҕүнэн үлэ, саҥа технологиялар уонна ураты быһаарыныылар инники күөҥҥэ тахсыахтара.

 Хой 

Нэдиэлэ саҕаланыыта үлэҕэр-хамнаскар түмүк оҥорорго үчүгэй кэм. Урут саҕалаабыт дьыалаларгын ситэр. Нэдиэлэ ортотуттан саҥа бырайыактарга көхтөөхтүк кыттыаххын сөп. Туох эмит атын дьарыктаах буоллаххына, эбии дохуот киириэҕэ. Улахан атыыттан туттуна түс, харчыгын кэмчилээ.

Оҕус 

Бу нэдиэлэҕэ эн үп-харчы өттүнэн туругун бөҕөргүө. Баҕар, эргэ иэстэрин төнүннэриэхтэрэ эбэтэр үлэҕэр бириэмийэ биэриэхтэрэ. Харчы кэллэ диэн тутатына ыскайдаама. Хайдах гынан баар үпкүн-харчыны өссө хаҥатар туһунан толкуйдаа, бааҥҥа харчы уурунары эҥин ырыҥалаан көр.

Игирэлэр

Эн интуицияҥ күүһүрүө, ханна харчы баарын сэрэйэр кыахтаныаҥ. Дьону кытта кэпсэтии, саҥа билсии-көрсүү үп-харчы киллэриэн сөп. Ол эрээри, ким эрэ албынныы сатыырыттан сэрэн. Ханнык баҕарар докумуоҥҥа илии баттыаҥ иннинэ, болҕомтолоохтук аах.

Араак 

Бу нэдиэлэҕэ дьиэ кэргэҥҥэ сыһыаннаах ороскуоттар баар буолуохтарын сөп. Ону эрдэттэн былааннаа. Чугас дьонуҥ үп-харчы боппуруоһугар көмө көрдөөтөхтөрүнэ, кыаҕыҥ тиийэринэн көмөлөс – ол эйиэхэ кэлин эргиллиэҕэ. Кирэдьиит ылартан, иэс биэрэртэн туттун.

Хахай 

Бэйэҕин көрдөрөр, салайар дьоҕургун туһанарга тоҕоостоох кэм. Үлэҕэр саҥа идиэйэлэри киллэрдэххинэ, салайааччыларыҥ ону сыаналыахтара уонна харчынан биһириэхтэрэ. Доҕотторуҥ, билэр дьонуҥ этиилэрин болҕойон иһит, кинилэр көмөлөрүнэн барыстаах бырайыакка кыттыаххын сөп.

Кыыс 

Үлэҕэр-хамнаскар бэрээдэги олохтуур кэм. Бары докумуоннаргын, счеттаргын хомуй, былаанна оҥоһун. Бу нэдиэлэҕэ эн ырытар, анаалыстыыр дьоҕуруҥ сытыырхайыа. Ону туһанан, ханнык ороскуоттары кылгатар кыахтааххын көр. Кэмчилээһин – баай-талым буолууга бастакы хардыы.

Ыйааһын 

Партнердары, бииргэ үлэлиир дьону кытта сыһыан үпкэ-харчыга дьайыыта улаатыа. Кэпсэтии ыытарга, сөбүлэһии түһэрсэргэ табыгастаах кэм. Кимниин эмэ кыттыһан саҥа дьыаланы саҕалыаххытын сөп. Соҕотоҕун, эбэтэр бөлөҕүнэн үлэлээтэххинэ ситиһииҥ элбиэҕэ.

Скорпион

Бу нэдиэлэҕэ кистэлэҥ дохуот киириэн эбэтэр күтүллүбэтэх өттүттэн харчы кэлиэн сөп. Ол эрээри, туохха барытыгар сэрэхтээх буол. Атын дьон үбүгэр-харчытыгар сыһыаннаах дьыалалартан тэйиччи тутта сатаа. Улахан суумалаах харчыны илиигэр тутума, баан каартатынан туттар ордук.

Охчут 

Үөрэххэ, айаҥҥа, бэйэни сайыннарыыга харчыны ороскуоттуур кэм тосхойбут. Бу ороскуоттар кэлин  эргиллиэхтэрэ. Саҥа идэни баһылыырга эбэтэр квалификацияны үрдэтинэргэ үөрэнэ бардаххына, кэлин хамнаһыҥ үрдүө. Тас дойдулары кытта сибээстээх үлэ барыстаныан сөп.

Чубуку

Нэдиэлэ саҕаланыыта Күн өссө да эһиги бэлиэҕитигэр баар, онон күүскүтүн-уоххутун түмэн, сыралаахтык үлэлээҥ. Эн үлэҥ хайаан да сыаналаныа. Карьераҕар үүнүү-сайдыы күүтэр, ол хамнаскар эмиэ дьайыа. Салайааччылары кытта кэпсэтэртэн толлума, баҕар, хамнаскын үрдэттэр кыах үөскүө.

Күрүлгэн 

Күн эһиги бэлиэҕитигэр киирэр, онон бу эһиги кэмҥит! Саҥа идиэйэлэр киириэхтэрэ, олору олоххо киллэрэртэн куттанымаҥ. Интэриниэт нөҥүө үлэ, саҥа технологиялары туһаныы эбии үп-харчы киллэриэ. Доҕотторуҥ бөлөҕүн кытта саҕалаабыт бырайыагыҥ ситиһиилэниэ.

Балыктар 

Бу нэдиэлэҕэ улахан харчыга сыһыаннаах быһаарыныылары ылынартан туттуна түс. Арыый кэтэһэ түс, тулаҕын үчүгэйдик үөрэт. Ким эрэ көмө оҥоруо, сүбэ-ама биэриэ. Үтүөнү оҥоруу, аһымал аахсыйаларга кыттыы эн үп-харчы эйгэҕэр кэлин үчүгэйинэн дьайыа.