Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэҕэ үп-харчы эйгэтигэр сулустар икки өрүттээх дьайыыны оҥоруохтара. Биир өттүттэн, күүстээх Меркурий чуолкай былааннары, докумуоннары бэрээдэктиири уонна кэпсэтиилэри ситиһиилээхтик ыытары көҕүтүө. Оттон иккис өттүттэн, Венера дьайыыта ааҕыллыбатах ороскуоттарга, кэрэҕэ-сыаналаахха тардыһыыга  угуйуон сөп.

♈ Хой (21.03 – 20.04)

Энергияҕыт таһынан. Саҥа дохуот киллэрэр санаалар киириэхтэрэ. Үлэҕитигэр саҥа бырайыактары саҕалыыр тоҕоостоох кэм. Ол да буоллар, иннин-кэннин быһаарсыбакка эрэ улахан атыыны оҥорортoн, харчыны ыһыыттан-тоҕууттан туттунуҥ. Нэдиэлэ ортото кэскиллээх кэпсэтиилэр  тахсыахтарын сөп.

♉ Оҕус (21.04 – 21.05)

Бу нэдиэлэҕэ эһиги  үп-харчы өттүнэн туруктаах буолууга дьулуһуоххут. Бүддьүөтү торумнуурга, урут оҥорбут ороскуоттаргытын чинчийэргэ табыгастаах кэм. Доҕотторгут эбэтэр аймахтаргыт сүбэлэринэн туһанан, барыстаах быһаарыныыны ылыныаххыт. Күүтүллүбэтэх ороскуоттар тахсыахтарын сөп, онон улахан атыыны кэнники былаанныыргыт ордук.

♊ Игирэлэр (22.05 – 21.06)

Информацияны түргэнник ылынар дьоҕургут бу нэдиэлэҕэ үп-харчы киллэрэр саҥа кыахтары арыйыан сөп. Онлайн-үөрэххэ, саҥа идэни баһылыырга ситиһиилээх нэдиэлэ буолуо. Арай, биир сиргэ тохтообокко, элбэх санааҕа ылларан, харчыгытын сыал-соруга суох ыскайдыыр куттал баар. Болҕомтону сүрүн сыалгытыгар ууруҥ.

♋ Араак (22.06 – 22.07)

Эһиги интуицияҕыт сытыырхайыа, үп-харчы ханна сыыһа-халты ороскуоттанарын сүрэххитинэн сэрэйиэххит. Дьиэ кэргэҥҥэ, дьиэни тупсарыыга сыһыаннаах ороскуоттар баар буолуохтара. Иэс биэрэртэн эбэтэр ылартан туттунаргыт наада. Эмоцияҕа оҕустаран, наадата суох маллары атыылаһымаҥ.

♌ Хахай (23.07 – 23.08)

Айар дьоҕургут бу нэдиэлэҕэ барыһы киллэриэн сөп. Сөбүлүүр сатабылгытынан эбии харчы оҥорор кыах үөскүө. Ол эрээри, аһара баран киэргэнэртэн, атыттар иннилэригэр ордук-хос туттунартан сэрэниҥ — туһата суох ороскуокка тиэрдиэ. Инвестиция туһунан толкуйдуур буоллаххытына, исписэлиистэр сүбэлэрин истиҥ.

♍ Кыыс (24.08 – 23.09)

Эһиги чуолкайдык былаанныыр, барытын чинчийэр-ырытар дьоҕургут бу нэдиэлэҕэ улаханнык туһалыа. Үлэҕитигэр саҥа кыахтар арыллыахтарын, салайааччылар эбии сорудах биэрэн, дохуоккутун үрдэтиэхтэрин сөп. Кыра да ороскуоту ааҕар-суоттуур үгэскит үпкүтүн-харчыгытын кэмчилиэ.

♎ Ыйааһын (24.09 – 23.10)

Партнердыы сыһыан үпкэ-харчыга дьайыыта күүһүрүө. Бииргэ үлэлиир киһигитин эбэтэр олоххут аргыһын кытта үп-харчы боппуруостарын ырытаргыт ситиһиилээх буолуо. Кэрэҕэ, сырдыкка дьулуһуугут сыаналаах маллары атыылаһарга угуйуо. Бүддьүөккүтүн дьаһаныҥ.

♏ Скорпион (24.10 – 22.11)

Бу нэдиэлэ кистэлэҥ үп-харчы источниктарын булууга, урут төлөммөтөх иэстэри төнүннэриигэ табыгастаах. Күүстээх интуицияҕыт албын-көлдьүн дьону, барыһа суох этиилэри тута быһааран биэриэ. Ол да буоллар, харчыга сыһыаннаах мөккүөрдэртэн тэйиччи буола сатааҥ.

♐ Охчут (23.11 – 21.12)

Кэскиллээх, улахан былааннар тустарынан толкуйдуур кэмҥит кэлбит. Ыраах айаҥҥа турунар, үөрэнэр эбэтэр сынньанара уоппуска туһунан санаалар киириэхтэрэ. Улахан инвестицияны оҥоруох иннинэ, барытын хаста да төгүл бэрэбиэркэлээҥ.

♑ Чубуку (22.12 – 20.01)

Бу нэдиэлэ эһиэхэ карьераҕа үүнүү-сайдыы уонна үп-харчы боппуруоһугар быһаччы сибээстээх буолуо. Дьулуургут уонна тулуургут түмүгэр салайааччыларгыт эбии боломуочуйаны, эбии дохуоту, биэрэллэрэ күүтүллэр. Бу кэмҥэ кылгас барыһы эккирэппэккэ, уһун болдьохтоох сыаллары ситиһэргэ дьулуһуҥ.

♒ Күрүлгэн (21.01 – 18.02)

Саҥа, ураты идиэйэлэргит үп-харчы киллэриэхтэрин сөп. Технологияларга, IT- эйгэҕэ сыһыаннаах бырайыактар барыстаах буолуохтара. Доҕотторгутун кытта бииргэ үлэлээһин ситиһиини аҕалыа, ол эрээри харчы боппуруоһун эрдэттэн чуолкайдык кэпсэтиҥ. Күүтүллүбэтэх ороскуоттар тахсыахтарын сөп  — бэлэм буолуҥ.

♓ Балыктар (19.02 – 20.03)

Айар үлэҕит, аһыныгас санааҕыт саҥа үүммүт нэдиэлэҕэ эбии дохуоту аҕалыа. Ускуустуба эйгэтигэр, социальнай бырайыактарга кыттыы барыстаах буолуо. Ол эрээри, наһаа итэҕэйимтиэ буолумаҥ, харчы иэс ылааччыларга эбэтэр барыһа суох бырайыактарга киирэн биэрэр куттал баар. Чугас дьоҥҥо харчынан көмөлөһөргө улаханнык ороскуотуруоххут.