Хаартыска: куйаар ситимиттэн
Кэпсэтии, докумуон уонна эргиэн планетата Меркурий, бүтэһиктээхтик көнө хаамыытыгар төнүннэ. Бу диэн, урут атахтанан, тохтоон турбут үп-харчы боппуруостара, кэпсэтиилэрэ, дуогабардара миэстэлэриттэн хамсыыр кыахтаннылар. Саҥа сөбүлэҥнэри түһэрсэргэ, тиэхиньикэни атыылаһарга көҥүл бэриллэр.
Таптал уонна баай-дуол планетата, Венера, кэрэ көстүүнү, дьоһуннук сылдьыыны сөбүлүүр Хахай бэлиэтигэр киирдэ. Бу кэмҥэ харчы айар дьоҕуртан, дьоҥҥо-сэргэҕэ көстүүттэн, салайар үлэттэн кэлиэн сөп. Ол эрээри, ороскуот эмиэ үрдүөн сөп – мааныга-сатаҕа, сынньалаҥҥа, бэлэххэ харчы ыытыллыан сөп. Ситиһии планетата Юпитер уонна туруктаах буолууну бэлиэтиир Сатурн бэйэ-бэйэлэригэр көмөлөһөр аспектара – уһун болдьохтоох былааннарга, инвестицияларга, дьиэ-уот тутуутугар эрэллээх олугу уурар. Онон, хас биирдии бэлиэҕэ бу нэдиэлэ тугу бэлэмниирин ырытан көрүөҕүҥ.
Бу нэдиэлэҕэ эһиги энергияҕыт оргуйан олоруо. Саҥа идиэйэлэр, бырайыактар кэлиэхтэрэ. Сүрүнэ – бу идиэйэлэри хайдах харчыга кубулутуохха сөбүн толкуйдуургут. Урут сөбүлээн дьарыктанар дьыалаҕыт эмискэ дохуот аҕалар кыахтаах. Кэпсэтиилэргэ көхтөөх буолуҥ, бэйэҕит санааҕытын ылыннарыаххыт. Ол эрээри, Венера Хахайга киирэн, элбэх харчыны сынньалаҥҥа, күлүүгэ-салыыга ороскуоттуур куттал баар. Дьоҕургутун сайыннарар куурустарга, маастар-кылаастарга үөрэммэккэ, бэйэҕит оннуктары ыытан саҕалааҥ. Харчы киириэҕэ.
Венера, эһиги бэлиэҕит салайааччыта, дьиэ-уот эйгэтигэр киирэн, сүрүн болҕомто дьиэ кэргэн бүддьүөтүгэр, хамсаабат баайга-дуолга туһаайыллар. Дьиэни тупсарыыга, өрөмүөҥҥэ, саҥа миэбэли атыылаһыыга табыгастаах кэм. Дьиэ кэргэнинэн саҕалыыр биисинэс-бырайыактар ситиһиилэниэхтэрэ. Ипотека, кирэдьиит боппуруостарын быһаарсарга сөптөөх кэм. Чугас дьоҥҥуттан үп-харчы өттүнэн көмө кэлиэн сөп. Улахан атыыны оҥорор буоллаххытына, дьиэ кэргэҥҥитин кытта сүбэлэһиҥ.
Эһиэхэ үөрүүлээх сонун: салайааччыгыт Меркурий эйгэтигэр төнүннэ! Бу эһиги үп-харчы олоххутугар «күөх уоту» уматта. Дуогабардары түһэрсиэххэ, сурук-бичик үлэтин бүтэрэн кэбиһиэххэ сөп. Сытыы тылгыт-өскүт, информацияны түргэнник ылар дьоҕургут бу нэдиэлэҕэ сүрүн көмөһүт буолуо. Эргиэҥҥэ, маркетиҥҥа, угуйукка сыһыаннаах үлэлээхтэргэ дохуот үрдүөн сөп. Айаҥҥа-сырыыга үп киириэн сөп Элбэх саҥаны билиэххитин баҕарыаххыт. Үөрэххэ укпут харчыгыт кэлин икки бүк эргиллиэҕэ.
Юпитер, баай-талым планета, эһиги бэлиэҕитигэр сылдьар. Бу бэйэтэ улахан бэлэх. Оттон Венера үп-харчы эйгэтигэр киирэн, хамнаскытын үрдэттэрэргэ, эбии дохуот киллэринэргэ күүстээх кыаҕы биэрэр. Бэйэҕит сыанаҕытын билиҥ, салайааччыгытын кытта хамнас туһунан кэпсэтэртэн толлумаҥ. Талааннаах илиигитинэн оҥорбут оҥоһуктаргыт, астаабыт аскыт барыта атыыга барыан сөп. Интуицияҕыт бу нэдиэлэҕэ сыыспат. «Харчым суох» диэн тыллары умнуҥ. «Мин харчыны бэйэбэр тардар кыахтаахпын» диэн санаанан салайтарыҥ.
Венера эһиги бэлиэҕитигэр киирэн, эһигини дьон болҕомтотун тардар гына оҥордо. Бу – бэйэни көрдөрөр, лидер быһыытынан биллэр-көстөр кэм. Харизмаҕыт күүһүнэн саамай ыарахан кэпсэтиилэри да кыайыаххыт. Салайар үлэҕэ, бэлиитикэҕэ, сценаҕа сыһыаннаах дьоҥҥо үп-харчы өттүнэн табыллыы кэлиэ. Ол эрээри, ороскуот эмиэ баар. «Брэнд» таҥаска, көмүскэ, ыарахан сыаналаах бэлэхтэргэ барыыһы ылыаххыт. Харчыны бэйэҕитигэр эрэ буолбакка, тас көрүҥҥүтүгэр, имиджкитигэр угуҥ. Бу инвестиция кэлин элбэх дохуоту аҕалыа.
Барыта ыраас, чуолкай буолан барар. Бу нэдиэлэ үп-харчыны сааһылыырга, бүддьүөтү былаанныырга, иэстэри төлүүргэ, докумуоннары бэрээдэктиирrэ олус табыгастаах. «Күлүк» дохуоттар, эбэтэр кистэлэҥ үп-харчы боппуруостара быһаарыллыахтарын сөп. Бэйэҕит эрэ үлэлииргитин сөбүлүүгүт, ол эрээри бу нэдиэлэҕэ юристары, үп-харчы консультаннарын сүбэлэрин истиҥ. Бары ороскуоккутун, дохуоккутун блокнокка эбэтэр анал бырагыраамаҥа сурунан иһиҥ. Ый бүтүүтэ ханна харчы «сүүрэн» барарын көрөн сөҕүөххүт.
Үп-харчы кэлиитэ дьону-сэргэни, түмсүүлэри кытта сибээстээх буолуо. Түмсүүлээх бырайыактар, волонтерскай үлэ кэнниттэн эмискэ үп киириэн сөп. Саҥа билсиһиилэр кэлин харчы аҕалар кыахтаахтар. Интэриниэт нөҥүө үлэлиир, SMM-исписэлиистэргэ, блогердарга ситиһиилээх нэдиэлэ. Эргэ доҕотторгутун кытта сибээскитин сөргүтүҥ. Кинилэртэн биирдэстэрэ эһиэхэ үп-харчы өттүнэн табыгастаах этиини киллэриэ.
Бу эһиги карьераҕыт чаҕылхай кэмэ! Үлэҕитигэр үрдүктүк сыаналаныаххыт. Салайааччылар эһигини көрүөхтэрэ, саҥа дуоһунаска аныахтарын, эбэтэр улахан эппиэтинэстээх сорудаҕы биэриэхтэрин сөп. Бу барыта хамнас үрдээһинин кытта сибээстээх. Бэйэҕит дьыалаҕытын арыйарга санана сылдьар буоллаххытына, билигин – саамай табыгастаах кэм. Үлэҕитигэр сэмэй буолан бүтэҥҥит, ситиһиилэргитин кэпсээҥ, көрдөрүҥ.
Эһиги ыраах айан, үрдүк үөрэх, тас дойдулар эйгэтигэр киирбиккит. Бу диэн, үп-харчы кэлиитэ атын куораттары, дойдулары кытта сибээстээх буолуон сөп. Тас дойду хампаанньаларыттан үлэ этиитэ киириэн сөп. Үрдүк үөрэххэ киирии, квалификацияны үрдэтинии кэлин улахан дохуоту аҕалыа. Юридическай боппуруостар, суу-сокуон дьыалалара эһиги тускутугар быһаарыллыахтара. Олоҕу киэҥник көрүҥ. Баҕар, үлэлиир хайысхаҕытын уларытар кэм кэлбитэ буолуо. Саҥаҕа тардыһыҥ, оччоҕо үп-харчы бэйэтэ кэлиэ.
Бу нэдиэлэҕэ «улахан харчы» боппуруостара көтөҕүллүөхтэрэ. Венера кирэдьиит, инвестиция, атын дьон харчытын эйгэтигэр киирдэ. Баантан бөдөҥ кирэдьиити ыларга, инвестиция оҥорорго табыгастаах кэм. Ол эрээри, сэрэхтээх буолуҥ, хас биирдии хардыыгытын толкуйдааҥ. Нолуок, страховка боппуруостарын бэрээдэктииргэ сөптөөх кэм. Кэргэҥҥит, эбэтэр биисинэс-партнергыт дохуота үрдээн, дьиэ кэргэн бүддьүөтэ хаҥыыр. Эмискэ кэлбит харчыны тутатына ороскуоттаамаҥ. «Финансовай подушка» оҥостуҥ эбэтэр уһун болдьохтоох инвестицияҕа угуҥ.
Бу нэдиэлэҕэ үп-харчы кэлиитэ партнердары кытта ыкса сибээстээх. Венера партнерство, кэргэннии сыһыан эйгэтигэр киирдэ. Саҥа биисинэс-партнердары көрсүөххүтүн, табыгастаах сөбүлэҥнэри түһэрсиэххитин сөп. Юристар, консультаннар, психологтар дохуоттара үрдүөн сөп. Кэргэҥҥит, доҕоргут эһиэхэ үп-харчы өттүнэн сүбэ-ама биэрэрэ оруннаах буолуо. Элбэх киһи иннигэр тахсан саҥарар, кэпсэтии ыытар дьоҥҥо табыллыы тосхойор. Дьон санаатын истэ үөрэниҥ. Соҕотох сылдьан ситиһээри гыммыккытын, бииргэ үлэлээн икки төгүл түргэнник ситиһиэххит.
Үп-харчы күннээҕи түбүктээх үлэттэн, эппиэтинэстээх сыһыантан кэлиэ. Венера үлэ уонна доруобуйа эйгэтигэр киирэн, эһиги үлэҕитин салайааччыларгыт сыаналыахтара. Бонус, бириэмийэ күүтүөн сөп. Үлэлиир усулуобуйаҕыт тупсуо. Ол эрээри, үлэҕэ умса түһэн, доруобуйаҕытын хаалларымаҥ. Доруобуйаҕытыгар укпут харчыгыт – саамай үчүгэй инвестиция. Мэдиссиинэ, фитнес, чөл олох эйгэтигэр үлэлиир дьоҥҥо дохуот үрдүө. Үлэҕитин-хамнаскытын былааннааҥ, күннээҕи эрэсиимҥитин сааһылааҥ.
Сулустар сүбэлииллэр, хайысханы ыйаллар, ол эрээри хас биирдии киһи бэйэтин дьылҕатын бэйэтэ оҥостор. Бу сүбэлэри туһанан, үп-харчы өттүнэн табыллан, баай-дуол олохтоох буолуҥ.
Атырдьах ыйын 18 күнүгэр саха норуотун биир сүдү, чахчы баараҕай киһитэ, Социалистическай Үлэ Дьоруойа Георгий…
Бу күннэргэ Өймөкөөн улууһугар от ыйынааҕы айылҕа иэдээнин кэнниттэн нэһилиэктэри чөлүгэр түһэрии кэмигэр үгүс улуустартан,…
Дьокуускай куорат төрөөбүт күнүгэр 40 араас тэрээһини ыытары былаанныыллар, ол эрээри фейерверк ытыытын тохтоттулар. Бу…
Плов биһиги төрүт аспыт буолбатах эрээри, үгүс ыал билигин сөбүлээн астанар. Плов диэн ристээх эт…
СӨ ИДьМ полиция Дьокуускайдааҕы 2-с отделын дьуһуурунай чааһыгар эр киһи үрүсээгин уордарбытын, ол иһигэр үс…
Кабачок -- олус битэмииннээх, тотоойу аһылык. Кабачоктан лечо, икра эрэ оҥоһуллубат, өссө олус минньигэс барыанньа…