Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Күн уонна Меркурий Кыыс бэлиэтигэр киирбиттэр. Бу – чопчу ааҕыы-суоттааһын, былааннааһын уонна үлэҕэ кыһамньылаах буолууну ирдиир. Ол аата, харчыны сатаан ааҕар, ороскуоту кэтиир дьон ситиһиигэ кэлиэхтэрэ. Ону кытта, Венера Хахай бэлиэтигэр сылдьар, ол аата кэрэҕэ, сынньалаҥҥа, бэлэххэ харчыны туттуоххутун баҕарыаххыт. Онон, сүрүн сорук – Кыыс бэлиэтин муудараһын тутуһуҥ: харчы ааҕыыны-суоттааһыны сөбүлүүр. Бүддьүөккүтүн көрүнүҥ, наадалааҕы наадата суохтан араарыҥ. 

ХОЙ

Нэдиэлэ устата үлэҕит-хамнаскыт харчыны кытта быһаччы сибээстээх буолуо. Күннээҕи үлэҕитигэр кыһамньылаах буоллаххытына, эбии дохуот эбэтэр бириэмийэ түһүөн сөп. Ыксаан, туһата суохха ороскуоттаамаҥ. Нэдиэлэ бүтүүтэ докумуоҥҥа, төлөбүргэ болҕомтолоох буолуҥ.

ОҔУС

Эһиги планетаҕыт Венера Хахайга сылдьар, онон сынньалаҥҥа, тапталлаах дьоҥҥутугар бэлэххэ харчы ороскуоттуур баҕа санааҕыт күүһүрүө. Бу куһаҕана суох, ол эрээри бүддьүөккүтүн суоттанаргытын умнумаҥ. Айар дьоҕургутун үпкэ-харчыга кубулутар кыах баар. Саҥа дьарык дохуот аҕалыан сөп. Иэс ылартан туттунуҥ.

ИГИРЭЛЭР

Дьиэ-уот, дьиэ кэргэн ороскуотугар болҕомто ууруллар. Өрөмүөн, дьиэҕэ ону-маны атыылаһыы былааннаныан сөп. Юпитер эһиги бэлиэҕитигэр сылдьан, үгүс кыаҕы арыйар, ол эрээри Кыыс бэлиэтэ сэрэтэр: бииртэн бииргэ көтө сылдьыбакка, биир чопчу сыалга тохтооҥ. Кэпсэтиинэн, информациянан туһунан харчы оҥоруоххутун сөп.

АРААК

Бу нэдиэлэҕэ эһиги интуицияҕыт харчы боппуруоһугар сүрүн сүбэһит буолуо. «Бу сөп» диэн санаа киирдэҕинэ – итэҕэйиҥ. Дьонтон иэс көрдүүртэн, иэс биэрэртэн туттунар ордук. Алтыһар дьоҥҥут, атыы-эргиэн нөҥүө үп-харчы киириэн сөп. Эмоцияҕа олоҕуран атыылаһымаҥ.

ХАХАЙ

Венера эһиги бэлиэҕитигэр хаһаайынныыр! Харчы эһиэхэ тардыллар, ол эрээри ороскуот эмиэ элбиир. Бүгүҥҥү күн эһиэхэ  «Бүддьүөтү оҥор, ороскуоккун суруйан ис» диэн сүбэлиир. Тас көстүүгүтүгэр, сынньалаҥҥа туттар харчыгытын кэмнээн, кэрэхсэн.

КЫЫС

Бу – эһиги нэдиэлэҕит! Күн уонна Меркурий эһиги бэлиэҕитигэр тураллар, онон санааҕыт сытыы, толкуйгут чопчу. Үп-харчы былаанын оҥорорго, инвестицияны саҕалыырга, иэһи-күүһү суох оҥорорго саамай табыгастаах кэм. Үлэҕитигэр саҥа, эппиэтинэстээх сорудах эһиэхэ эбии үбү-харчыны аҕалыа.

ЫЙААҺЫН

Бу нэдиэлэҕэ үп-харчы кэлиитэ кистэлэҥ, кэтэхтэн буолуон сөп. Урукку үлэҕит иһин төлөбүр, эбэтэр күүппэтэх өттүгүтүттэн көмө. Улахан атыыны-тутууну былаанныырга үчүгэй, ол эрээри ону-маны атыылаһарга ыксаамаҥ. Доҕотторго иэс биэрэргэ сэрэхтээх буолуҥ — төннүннэрэр уустуктаах буолуо.

СКОРПИОН

Кэлэр кэскилгитин, улахан былааннаргытын үп-харчы өттүнэн сааһылыыр кэм. Бөлөҕүнэн үлэ, онлайн-бырайыак дохуот аҕалыан сөп. Карьераҕытыгар күүстээх Венера турар, онон салайааччыларгыттан хамнас эбии көрдүүргэ табыгастаах кэм. Доҕотторгут сүбэлэрэ үпкэ-харчыга туһалаах буолуо.

ОХЧУТ

Сүрүн болҕомто карьераҕа уонна статуска. Бу нэдиэлэҕэ үлэҕитигэр кыһаннаххытына, ол түмүгэ быһаччы хамнаска дьайыаҕа. Салайааччыларгыт эһигини кэтииллэр. Кыыс бэлиэтэ сэрэтэр: улаханнык эрэннэрэ сатаамаҥ, дьыаланан дакаастааҥ. Улахан ороскуоттан туттунуҥ.

ЧУБУКУ

Тас дойдулары, үөрэҕи, сокуону кытта сибээстээх харчы боппуруостара быһаарыллыахтарын сөп. Үөрэххэ үбү-харчыны угар, квалификацияны үрдэтинэр туһалаах – бу кэлин эбии дохуоту аҕалыа. Айан ороскуоттаах буолуон сөп, эрдэттэн барытын былааннаныҥ. Юридическай докумуоннары болҕойон ааҕыҥ.

КҮРҮЛГЭН

Бу нэдиэлэ уустук үп-харчы боппуруостарын быһаарарга аналлаах: кирэдьиит, иэс, страховка, нолуок. Тапталлааххыт харчыта, эбэтэр уопсай бүддьүөт сүрүн тиэмэ буолуо. Урукку иэстэри төлүүргэ табыгастаах кэм. Улахан кутталлаах инвестицияттан туттунар ордук.

БАЛЫКТАР

Харчыгыт боппуруоһа тапталлааххытыттан эбэтэр партнергытыттан тутулуктаах буолуо. Ол иһин партнергутун дуу, олоххут аргыһын дуу кытта үп-харчы туһунан аһаҕастык кэпсэтэргит наада. Саҥа дуогабар түһэрсэр буоллаххытына, хас биирдии пууну болҕойон ааҕыҥ. Дьон сүбэтин наһаа истимэҥ, бэйэҕит интуицияҕытыгар эрэниҥ.