Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэ – күһүҥҥү күн тэҥнэһиитин иннинээҕи кэм. Хомуур үлэтэ түмүктэнэр, кыстыкка бэлэмнэнии үлэтэ салҕанар. Ол курдук, бу кэм үпкэ-харчыга  эмиэ оннук бэрээдэги, чуолкайдааһыны уонна былааннааһыны ирдиир. Күн Кыыс бэлиэтигэр сылдьара биһигини ороскуоппутун ааҕарга, докумуоннары бэрээдэктииргэ уонна туһата суохха харчыны ороскуоттууру аҕыйатарга үөрэтэр. Бу нэдиэлэҕэ интуицияҕа эрэммэккэ, чуолкай ааҕыыга-суоттааһыҥҥа олоҕурар.

Хой 

Бу нэдиэлэҕэ эһиги киирэн-тахсан үлэлиир баҕаҕыт үбү-харчыны киллэриэн сөп. Ол эрээри, тургэн быһаарыныыттан, саарбах этиилэртэн туттунуҥ. Нэдиэлэ ортотугар ороскуоккутун хонтуруоллуур уустук буолуо. Улахан атыыны-тутууну өрөбүллэргэ көһөрөр ордук. Үлэҕитигэр саҥа бырайыактар эбии дохуоту аҕалар кыахтаахтар.

Оҕус

Эһиэхэ бу нэдиэлэ үп-харчы туругун бөҕөргөтөргө аналлаах.  Урут оҥорбут үлэҕит түмүгүн көрүөххүт, баҕар, эбии харчы эбэтэр бириэмийэ киириэ. Харчыны мунньунарга, бааҥҥа уурарга табыгастаах кэм. Дьиэ кэргэҥҥит бүддьүөтүн былааннааһын ситиһиилээхтик ааһыа.

Игирэлэр 

Эһигиттэн бу нэдиэлэҕэ болҕомтолоох буолуу ирдэнэр. Элбэх информация, үпкэ-харчыга сыһыаннаах араас этиилэр киириэхтэрэ. Барытын сиидэлээн, итэҕэйимтиэ буолумаҥ. Докумуоннары кытта үлэлииргэ, чопчулуургэ сэрэхтээх буолуҥ. Нэдиэлэ бүтүүтэ үөрэххэ эбэтэр саҥа сатабылга угуллубут харчы кэлин элбээн эргиллиэ.

Араак 

Дьиэҕэ-уокка, аймахтарга сыһыаннаах эбии ороскуоттар тахсыахтарын сөп. Ол эрээри, бу эһиги бүддьүөккүтүгэр улахан охсууну оҥоруо суоҕа. Нэдиэлэ ортотугар интуицияҕыт үп боппуруоһугар сөптөөх сүбэни биэриэ. Иэс ылартан эбэтэр биэрэртэн туттунар ордук. Чугас дьоҥҥуттан үп-харчы өттүнэн өйөбүл кэлиэн сөп.

Хахай

Бу нэдиэлэҕэ «кэрэҕэ» ороскуотуруоххутун баҕарыаххыт. Ол эрээри, сулустар сүбэлииллэр: баҕа санааҕытын кыаххытынан тэҥнээҥ. Нэдиэлэ саҕаланыытыгар киирбит харчыны тутатына ыһан кэбиһимэҥ. Үлэҕитигэр талааҥҥытын, сатабылгытын көрдөрдөххүтүнэ, салайааччыларгыт ону бэлиэтии көрүөхтэрэ, кэлин бу хамнаска дьайыан сөп.

Кыыс

Бу эһиги кэмҥит! Үп-харчы дьыалатыгар барыта илиигитигэр киирэр. Бүддьүөтү былаанныырга, иэстэри төлүүргэ, докумуоннары бэрээдэктииргэ саамай табыгастаах нэдиэлэ. Ороскуоттаргытын ырыҥалаан, ханна харчыны кэмчилиэххэ сөбүн чопчу көрүөххүт. Кыра да буоллар, харчы мунньунарга саҥа счет арыйарга тоҕоостоох кэм.

Ыйааһын 

Партнердары кытта үп-харчы боппуруостарын быһаарар кэм. Бииргэ үлэлиир дьону, доҕоттору кытта харчыга сыһыаннаах кэпсэтиилэр тахсыахтара. Дуогабардары, сөбүлэҥнэри болҕомтолоохтук ааҕыҥ. Нэдиэлэ иккис аҥаарыгар саарбахтыыр дьыалаҕа харчы угартан туттунуҥ. Кимиэхэ да иэс биэримэҥ, төннүннэрэр уустук буолуон сөп.

Скорпион 

Улахан үпкэ-харчыга сыһыаннаах дьыалалар инники күөҥҥэ тахсаллар: нолуок, страховка, нэһилиэстибэ эбэтэр улахан кирэдьиит. Бу боппуруостары быһаарарга табыгастаах кэм. Уурунуу  харчыны былаанныыр эбэтэр инвестициялыыр буоллаххытына, сэрэхтээх буолуҥ. Интуицияҕыт ханна куттал баарын ыйан биэриэ.

Охчут 

Карьераҕыт үрдээһинэ үп-харчы туругар быһаччы дьайар. Үлэҕитигэр бары күүскүтүн ууруҥ, салайааччыларгыт бэлиэтии көрүөхтэрэ. Саҥа бырайыактарга кыттыһан эбии дохуот киллэринэр кыах баар. Ол эрээри, киирбит харчыны тутатына ороскуоттуурга ыксаамаҥ. Улахан былааннаргытыгар анаан мунньунар ордук.

Чубуку 

Эһиги былаанныыр, ааҕар-суоттуур дьоҕургут бу нэдиэлэҕэ үрдүк таһымҥа тахсыа. Уһун болдьохтоох үп-харчы былаанын оҥосторго табыгастаах кэм. Инвестиция, хамсаабат баайы-дуолу атыылаһыы курдук улахан дьыалалары ырыҥалаан көрүөххэ сөп. Ороскуоттаргыт барыта былааннаммыт, хонтуруоллаах буолуо.

Күрүлгэн

Саҥа технологиялар, онлайн-үлэ эбэтэр доҕотторгутун кытта саҕалаабыт бырайыаккыт харчы аҕалыан сөп. Стандартнайа суох санааларгыт үп-харчы киллэрэр кыахтаахтар. Ол эрээри, нэдиэлэ ортотугар «чэпчэки харчы» этиилэриттэн сэрэниҥ. Үпкүтүн-харчыгытын салайыыга саҥа ньымалары боруобалаан көрөртөн толлумаҥ.

Балыктар 

Интуицияҕыт күүстээх, ол эрээри харчыга сыһыаннаах дьыалаҕа киниэхэ эрэ эрэнэр кутталлаах. Албыҥҥа киирэн биэрэр кыах баар, онон ханнык баҕарар докумуону икки-үс төгүл бэрэбиэркэлээҥ. Аһымал аахсыйаҕа кыттар, көмөлөһөр баҕа үөскүө, ол үчүгэй. Ол гынан баран, бүтэһик харчыгытын биэримэҥ. Нэдиэлэ бүтүүтэ чугас киһигит үп-харчы өттүнэн өйүөн сөп.