Үп-харчы гороскоба. Бу нэдиэлэҕэ үп-харчы өттүгэр сулустар тугу сүбэлииллэрий?

Бу нэдиэлэ үп-харчы эйгэтигэр улахан уларыйыыны бэлэхтиир. Нэдиэлэ саҕаланыытыгар Күн Хахай бэлиэтигэр киирэр, онон биһиги харчыга сыһыаммыт быдан аһаҕас буолар. Дьон бэйэтин көрдөрүнүөн, талаанын харчыга кубулутуон, кэрэ олоххо тардыһыан баҕарыа.

Венера уонна Меркурий эмиэ Хахай бэлиэтигэр сылдьаллар, онон ороскуот үксүүрүгэр тиэрдиэн сөп – сынньалаҥҥа, күүлэйгэ, бэлэххэ. Ол эрээри, Марс Оҕус бэлиэтигэр олохтоохтук турара, практичнай буоларга, харчыны мээнэ ыскайдаабакка, туһалаахха угарга ыҥырар. Ити курдук, бу нэдиэлэҕэ сүрүн сорук – Хахай бэлиэтин айымньылаах күүһүн Оҕус бэлиэтин тулуурдаах, туруктаах майгытыныын дьүөрэлээһин.

Хой

Айар дьоҕургут харчыны аҕалыан сөп. Сөбүлүүр дьарыккыт эбии дохуот киллэриэҕэ. Бэйэҕитигэр, сынньалаҥҥытыгар харчыны кэмчилээмэҥ, ол эрээри сүүйүүлээх оонньууга, олуона суох дьыалаларга аһара үлүһүйүмэҥ. Оҕолоргутугар сыһыаннаах элбэх ороскуот күүтэр.

Оҕус

Дьиэ кэргэҥҥэ, дьиэни-уоту тупсарыыга үп-харчы боппуруоһа инники күөҥҥэ тахсар. Хамсаабат баайы-дуолу атыылыырга-атыылаһарга табыгастаах кэм үүннэ. Чугас дьоҥҥутугар көмөлөһөр буоллаххытына, бүддьүөккүтүн аһара ыскаайдаамаҥ. Барыс киирдэҕинэ, дьиэ кэргэҥҥитигэр угаргыт ордук.

Игирэлэр

Кэпсэтии, билиини тарҕатыы нөҥүө ситиһии кэлэр. Саҥа сөбүлэҥнэри түһэрсэргэ, кылгас айаннарга, үөрэххэ табыгастаах кэм. Докумуоннары болҕойон ааҕыҥ. Бэйэҕит санааҕытын сатаан тиэрдэр буоллаххытына, үп-харчы боппуруоһун бэйэҕит туһаҕытыгар быһаарыаххыт.

Араак

Үп-харчы боппуруоһа нэдиэлэ устата сүрүн тиэмэ буолар. Хамнаһы үрдэтэри көрдөһөргө, саҥа дохуот киллэрэр дьыаланы көрдүүргэ саамай табыгастаах кэм. Бэйэҕит сыанаҕытын билиҥ уонна талааҥҥытынан харчы өлөрөргө кыһаныҥ. Улахан атыыны-тутууну оҥорорго сулустар көмөлөһөллөр.

Хахай

Эһиги кэмҥит үүннэ! Күн бэлиэҕитигэр киирэн, эһиэхэ күүс-уох, чаҕылхай буолууну бэлэхтиир. Харчы эһиэхэ тардыллар, ол эрээри ороскуот эмиэ улахан буолуон сөп. Бэйэҕитигэр, тас көрүҥҥүтүгэр, талааҥҥытын сайыннарыыга харчы угаргыт үчүгэй түмүктэри аҕалыа.

Кыыс

Нэдиэлэ үбү-харчыны сааһылыырга, урукку иэстэри төлүүргэ табыгастаах. Кимтэн эрэ кистээн үлэлиир бырайыаккыт кэлин барыс аҕалыан сөп. Үтүөнү оҥорууга, көмөҕө харчы туттаргыт эһиэхэ кэлин эргиллиэ. Улахан ороскуоттары былаанныыртан туттунуҥ, сынньанарга, күүһү-уоҕу сөргүтэргэ болҕомто ууруҥ.

Ыйааһын

Доҕотторгут эбэтэр биир санаалаахтаргыт үп-харчы боппуруоһугар көмөлөһүөхтэрин сөп. Бииргэ үлэлиир бырайыаккыт, социальнай ситимнэргэ үлэҕит барыстаныан сөп. Инники былааннаргытыгар харчы угаргыт ситиһиилэниэ. Саҥа технологиялары, онлайн-үлэни баһылыыртан толлумаҥ.

Скорпион

Карьераҕыт үп-харчы туругуттан быһаччы тутулуктаах. Салайааччылар эһигини бэлиэтии көрүөхтэрэ, онон эппиэтинэстээх буолуу ирдэнэр. Эбии үлэни эбэтэр үрдүк дуоһунаһы ыларга кыах үөскүө. Статускутун үрдэтии харчы киириитигэр тиэрдиэ.

Охчут

Ыраах айан, үөрэх, тас дойдулары кытта сибээс харчыны аҕалыан сөп. Саҥа билиини-көрүүнү ылыныы кэлин дохуоккутугар дьайыа. Бэйэҕит көрүүгүтүн, билиигитин атыттарга тарҕатан, харчы өлөрүөххүтүн сөп. Юридическай боппуруостар эһиги туһаҕытыгар быһаарыллыахтарын сөп.

Чубуку

Иэс, кирэдьиит, нолуок, страховка боппуруостара инники күөҥҥэ тахсыахтарын сөп. Атын дьон үбүн-харчытын сатабыллаахтык туһаныы ирдэниэ. Инвестиция оҥорорго сэрэхтээх буолуҥ. Урукку иэстэри сабарга эбэтэр саҥа, табыгастаах усулуобуйалаах кирэдьиити, ипотеканы ыларга кыах үөскүөн сөп.

Күрүлгэн

Дьыалабыай партнердары эбэтэр олоҕуҥ аргыһын кытта үп боппуруоһун быһаарсыы күүтэр. Саҥа, барыстаах сөбүлэҥ түһэрсиэххитин сөп. Кэпсэтиигэ аһаҕас буолуҥ, ол эрээри бэйэҕит интэриэскитин умнумаҥ. Сөптөөх кэпсэтии ситиһиигэ тиэрдиэ.

Балыктар

Күннээҕи үлэҕиттэн, эбээһинэскитин толоруугуттан дохуоккут тутулуктаах. Үлэҕитигэр айымньылаахтык сыһыаннастаххытына, салайааччыларгыт ону бэлиэтиэхтэрэ уонна эбии төлөбүр кэлиэн сөп. Доруобуйаҕытыгар болҕомто ууруҥ, бу эйгэҕэ ороскуот тахсыан сөп. Үлэлиир усулуобуйаҕытын тупсарыыга харчы угаргыт ордук.