Үп миниистирэ суруналыыстары кытары көрүстэ

Бүгүн өрөспүүбүлүкэ үбүн миниистирэ Валерий Жондоров Арассыыйа Бэчээтин күнүнэн суруналыыстары кытары көрүстэ.

Миниистир чуолаан, маассабай иһитиннэрэр сириэстибэлэр бэрэстэбиитэллэрин кытары көрсүһүүтүгэр министиэристибэ ааспыт сыллааҕы үлэтин кэпсээтэ уонна сүрүннээн нэһилиэнньэ үп-харчы туһунан билиитин үрдэтэргэ эттэ.

«2023 с. өрөспүүбүлүкэ икки бырайыага – «Дьиэ кэргэн – инникигэ инвестициялааһын» уонна «Үп экспреһэ» Үп научнай-чинчийэр института сыл аайы оҥорор Бастыҥ эрэгийиэннээҕи практика каталогар киирдэ. Оттон СӨ Үбүн министиэристибэтин «Үпкэ уонна экэниэмикэҕэ өрөспүүбүлүкэтээҕи телевизионнай олимпиада» бырайыага ааспыт сылга Москва Бырабыыталыстыбатын «Гражданнарга аналлаах бүддьүөт» федеральнай куонкуруска кыайыылааҕынан тахсыбыта. Эмиэ ааспыт сылга Москваҕа ыытыллыбыт «ГОСЗАКАЗ» XVIII Бүтүн Арассыыйатааҕы быыстапка-пуорумҥа Арассыыйа лиидэрэ кубогынан наҕараадаламмыта», — диэн миниистир Валерий Жондоров кэпсээтэ.

Көрсүһүү түмүгүнэн, миниистир суруналыыстартан нэһилиэнньэҕэ көдьүүстээх сырдатар үлэни ыыталларыгар баҕарда уонна үп-экэниэмикэ боппуруоһун суруйар бастыҥ үлэлээх суруналыыстары эҕэрдэлээн туран, инникитин даҕаны бииргэ таһаарыылаахтык үлэлииргэ ыҥырда.