Хаартыска sakha.gov.ru ылылынна
СӨ үбүн министиэристибэтэ «Арассыыйа — мин историям» түмэлин пуондатыгар байыаннай дьайыы эспэнээттэрин туттарда.
Манна байыаннай дьайыыга уонна дьоруойдарга анаммыт экспозицияны кэҥэтии үлэтэ ыытыллар. Үп министиэристибэтэ экспозицияҕа байыас таҥаһыгар баар бэлиэлэри (шевроннары) уонна байыаннай дьайыы буола турар сириттэн кэлбит суруктары экспозицияҕа киллэрэргэ этии киллэрэр.
Тэрээһиҥҥэ СӨ үбүн миниистирин э.т. Иван Алексеев, миниистири солбуйааччы Николай Старостин, история пааркатын дириэктэрэ Дмитрий Соловьев, байыаннай дьайыы байыаһа, «Боевые шелкопряды Якутии» волонтердар хамсааһыннарын чилиэннэрэ уонна тустаах министиэристибэ ыччакка сэбиэтин бэрэстэбиитэллэрэ кыттыыны ыллылар.
Иван Алексеев үүнэр көлүөнэҕэ историяны өйдөрүгэр-сүрэхтэригэр иҥэрии, байыастарга уонна кинилэр дьиэ кэргэттэригэр өйөбүл суолтатын санатыы, өйдөтүү туһунан тоһоҕолоон бэлиэтээтэ.
«Үп министиэристибэтэ байыаннай сулууспалаахтар сулууспаларын усулуобуйатын тупсарыыга, байыастарга гуманитарнай көмөнү хомуйар араас патриотическай аахсыйалары киллэрэн туран, байыастар дьиэ кэргэттэригэр өйөбүлү оҥорууга туһуламмыт көҕүлээһиннэргэ көхтөөхтүк кыттар«, — диэтэ кини. Биэдэмистибэ салайааччыта «Берегите нашу Россию» диэн суруктаах саха быһаҕын байыаска туттарда.
Байыаннай сулууспалаах байыастарга дьон-сэргэ, ыччат көмөнү оҥороро суолталааҕын бэлиэтээн туран өйөбүллэрин иһин махтанна.
«Сомоҕолоһуубут уонна түмсүүлээх буолуубут кыайыыны чугаһатар«, — диэтэ кини.
Тэрээһин кыттыылаахтара «Живая память благодарных поколений» аахсыйаҕа кытыннылар. Санатан эттэххэ, норуот бүттүүнүн аахсыйатыгар Аҕа дойуду сэриитин кыайыылаахтарыгар — буойуннарга Москваҕа пааматынньыгы оҥорорго урукку (сэбиэскэй кэмнээҕи) манньыаты хомуйаллар.
СӨ Ил Дарханын уонна Бырабыыталыстыбатын пресс-сулууспата
Хартыска sakha.gov.ru ылылынна
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…