Үп министиэристибэтин үлэһиттэрэ байыаннай дьайыы бэтэрээнин кытары көрүстүлэр

СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин Дьокуускайдааҕы Марха микрооройуонун дьаһалтатын салайааччыта Эрсан Андреевы уонна Донбасс пуондатын дириэктэрин, «Кыайыыга бииргэ!» суһал ыстаап салайааччытын Георгий Куркутовы кытары көрүстүлэр.

СӨ Үп миниистирин солбуйааччы Николай Старостин кэлэктииби кытта маннык көрсүһүүлэр наадалаахтарын эттэ.

“Ыалдьыттарбыт эдэр исписэлиистэргэ анал байыаннай дьайыы кыттыылаахтарын уонна кинилэр дьиэ кэргэттэрин өйүүргэ ыытыллар үлэ туһунан кэпсээтилэр, уопуттарын үллэһиннилэр. Холобур, 2022 сыллаахха бэйэтин баҕатынан барбыт Эрсан Андреев байыаннай дьайыыга кыттыы суолтатын хайдах өйдөөн, дойдутун иннигэр эбээһинэһин толоро барбытын кэпсээтэ. Кини билиҥҥи ыччакка холобурунан буолар. Георгий Куркутов Донбасс пуондатын уонна «Кыайыыга бииргэ!» ыстаабы эрэ салайбат, кини тус бэйэтэ биһиги уолаттарбытыгар бары көрүҥнээх өйөбүлү оҥорсор», — диэн санаатын эттэ Николай Старостин.

Кини маннык көрсүһүүлэр тэрилтэ иһигэр мэлдьи ыытыллалларын эбэн эттэ уонна инникитин хамаанда уопсастыба олоҕор өссө көхтөөхтүк кыттыаҕа диэн эрэнэрин биллэрдэ.