Уус-Алдан улууһугар аҕам саастаах киһи дьаһалта үлэһитигэр саба түспүт

Сэтинньи 17 күнүгэр күнүс 13:00 чаас саҕана ИДьМ сулууспатын Уус-Алдан улууһун отделыгар Эһэлээх нэһилиэгин олохтооҕуттан, аҕам саастаах киһи олохтоох дьаһалта бэрэстэбиитэлигэр саба түспүтүн туһунан иһитиннэрии киирбит.

ИДьМ пресс-сулууспата иһитиннэрэринэн, улуус кииниттэн 40-ча километр ыраах сытар Эһэлээх сэлиэнньэтигэр тутатына учаастактааҕы полиция боломуочунайдара ыытыллыбыттар. Бэрэбиэркэнэн быһаарыллыбытынан, 77 саастаах, психиатрическай учуокка турар олохтоох эр киһи, тустаах мэдисиинэ тэрилтэтигэр эмтэниигэ наадыйар эбит. Дьокуускай куоракка балыыһаҕа киллэрии боппуруоһун мэдиссиинэ үлэһиттэрэ быһаараллар, полицейскайдар кинилэргэ көмө оҥороллор.