Салгыы
Үп уонна экэниэмикэ олимпиадатын кыайыылаахтара билиннилэр

Үп уонна экэниэмикэ олимпиадатын кыайыылаахтара билиннилэр

29.03.2023, 19:27
СӨ Бырабыыталыстыбатын пресс-сулууспатын хаартыската
Бөлөххө киир:
Саха сиригэр  өрөспүүбүлүкэтээҕти XI үп уонна экэниэмикэ олимпиадата түмүктэннэ. Олимпиада кыайыылааҕа, Дьокуускай куорат 2№-дээх оскуола 11-с кылааһын үөрэнээччитэ Ольга Кардашевская ХИФУ экэнэмиичэскэй институтугар быһалыы  киирэр кыахтанна.

Олимпиадаҕа уопсайа 500 үөрэнээччи кыттыбыт. Финалга тоҕус оҕо ааспыт. «Бу олимпиада өрөспүүбүлүкэҕэ 2013 сылтан ыытыллар. Сүрүн сыала-соруга оскуола үөрэнээччилэрэ үбү-харчыны сатаан суоттуур дьоҕурдарын сайыннарыы уонна кинилэр билиилэрин таһымын үрдэтии буолар. Бэлиэтээн эттэххэ, олимпиадаҕа ордук Нерюнгри, Мииринэй оройуоннарыттан уонна Дьокуускайтан элбэх оҕо кытынна», — диэн үп миниистирин бастакы солбуйааччы, олимпиадаҕа дьүүллүүр сүбэ чилиэнэ Иван Алексеев эттэ.

Ольга Кардашевская  элбэх олимпиадалар кыттыылаахтара.  Экэниэмикэ наукатынан дьарыктанарга маннык тэрээһиннэр оскуола оҕолоругар олус туһалаахтар. Иккис миэстэни Полина Коробейникова диэн Дьокуускай куорат 15 №-дээх оскуолатын үөрэнээччитэ ылла. Кини экэниэмикэ министиэристибэтин анал бирииһинэн наҕараадаланна. Үһүс миэстэ  Мииринэй оройуонун Айхал бөһүөлэгин 5 №-дээх оскуолатын үөрэнээччитэ Анжелика Никифорова буолла.

Түмүктүүр түһүмэххэ кыттааччылар үс түһүмэҕи ааспыттара. Ол курдук экэниэмикэ терминнэрин билиигэ, үп-харчы туһунан олоххо баар түгэннэри ырытыһыыга уонна бэриллибит тиэмэҕэ бар дьон иннигэр тахсан санаа үллэстиигэ күрэхтэспиттэрэ. Күрэхтэһии түмүгэ кулун тутар 28 күнүгэр «Саха» НКИХ былаһааккатыгар ыытыллыбыта. Эпииргэ бу күрэхтэһии муус устар 12 күнүгэр көстүөҕэ.

Санатар буоллахха, «Телевизионная Олимпиада по финансам и экономике» бырайыак Арассыыйаҕа үбү-харчыны таба туһаныыга бастыҥ тэрээһининэн биллэрилиннэ. «Лучшее event-мероприятие» номинацияҕа бастыҥынан ааттанна.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 24°C
  • Ощущается: 24°Влажность: 69% Скорость ветра: 3 м/с

Сообщить об опечатке

Текст, который будет отправлен нашим редакторам: