Олунньу 24 күнүгэр Дьокуускай куоракка Сэбиэскэй Cойуус Дьоруойа Федор Охлопков кэриэһигэр анаммыт ырааҕы ытыыга Бүтүн Арассыыйатааҕы бастакы турнир «Ночь» түһүмэҕэр бөлүүҥҥү күрэхтэһии түмүгүнэн призердары уонна кыайыылаахтары наҕараадалаатылар.
Кыайыылаахтарга наҕараадалары РФ Бырабыыталыстыбатын Бэрэссэдээтэлин солбуйааччы — Уһук Илин боломуочуйалаах бэрэстэбиитэлэ, турнир кылаабынай судьуйата Юрий Трутнев, СӨ Ил Дархана Айсен Николаев уонна Арассыыйа Дьоруойа, гвардия майора, кылаабынай судьуйа солбуйааччыта Ярослав Якубов туттардылар.
Турнир «Ночь» түһүмэҕэр үһүс миэстэ «Физрук» уонна «Ридик» пааранан хамаандаҕа туттарылынна. Кинилэргэ 500 тыһ. солк. суумалаах сэртипикээти туттардылар.
Иккис миэстэни Радченко Д.С. уонна Кириченко С.А. пааранан хамаандата ылла. Призердарга «Сокол» вездеход күлүүһүн туттардылар.
Турнир түүҥҥү түһүмэҕэр бастаабыт «Ридик» уонна «Физрук» диэн позывнойдаах паараҕа пикап массыынаны туттарылынна.
«Бэҕэһээ киэһэ турнир күрэхтэһиитин тулуйан көрө хаалбыт ыалдьааччылар олус үчүгэй, бүтэһик мүнүүтэтигэр, сөкүүндэтигэр диэри, тыҥааһыннаах киирсиини көрдүлэр. «Физрук» уонна «Ридик» барыларын кыайан бастаан таҕыстылар. Кыайыылаах снайпердарга — «Ридик» уонна «Физрук» хамаандаларыгар пикап массыына туттарылынна», — диэтэ Юрий Трутнев.
Итини таһынан араас анал бириистэр туттарылыннылар.
«Бэҕэһээ киэһээҥи түһүмэх кэнниттэн судьуйалыыр кэллиэгийэ мунньахтаан баран, өссө биирианал бириииһи биэрэргэ быһаарда», — диэн Юрий Трутнев быһаарда.
Анал бирииһинэн Харабыл федеральнай сулууспатын бастыҥ хамаандата наҕараадаланна. Наҕараада «Кедр» диэн позывнойдаах хамаанда ыстаарсайыгар туттарылынна.
Оттон «ТИГР» карабинынан туйгуннук ыппытын иһин анал бирииһи Егор Гаврильевка туттардылар.
«Мин бэҕэһээ эмиэ эппитим, Саха сирэ снайпердарынан аатырыан аатырар, кинилэри биһиги ытыктыыбыт, таптыыбыт, кэриэстиибит. Үтүө үгэһи сөргүтүү билиҥҥи олох ирдэбилэ. Биһиги бары сыал ытарбытын сөбүлүүбүт, үгүстэр ытары сатыыбыт дииллэр. Ол гынан баран устуоруйаҕа биир эрэ киһи аата киириэ, боростуой саха уола Егор ПО -4 прицеллаах «Тигр» бинтиэпкэнэн тыһыынча миэтирэлээх сыалы бастакынан табан. Киниттэн ханнык көннөрүүнү оҥорбутун ыйыппыттарыгар боруоста сыал ортотун кыҥаабытым диэбитэ», — диир Айсен Николаев.
«Өскөтүн кини «Тигрынан» килэмиэтирдээх сыалы табар буоллаҕына, «рапторынан» хайдах ытыаҕай диэн олус интэриэһиргээтибит», — диэн бэлиэтээтэ Юрий Трутнев.
Анал бирииһи «Девятай» диэн позывнойдаах 7/35 төгүл чугаһатар оптическай сыалынан бэркэ ытан Росгвардия үлэһитэ ылла.
Көрөөччүлэр анал бириистэрин Эдьигээнтэн сылдьар Гульнара Иванова ылла.
Өлүөхүмэ улууһугар мууһу дэлби тэптэрии түмүгэр Хоро сэлиэнньэтигэр уу таһыма түстэ. Бу туһунан ЫБММ Саха…
Саха сиригэр баһаар сезона саҕаланан, ойууру кэтээн көрөр үлэлэр тиһиктээхтик бараллар. СӨ Экологияҕа министиэристибэтин Ойууру…
Саха сиригэр полиция учаастактааҕы боломуочунайдарын суһал рейдэ оҥороннор арыгыны сокуоннайа суох атыылааһыны арыйаллар. Ол курдук…
Саха киһитэ сөхтөҕүнэ уонна дьиибэргээтэҕинэ, эбиитин мунаардаҕына итинник диэччи. Бу сырыыга мин эмиэ итинник саҥа…
Өймөкөөҥҥө саас кэлиитэ ураты алыптаах. Ол ону талааннаах худуоһунньук, фотограф Семен Сивцев-Өймөкөөн Сэмэнэ түһэрбит хаартыскаларыгар…
"Сергей Шойгу оннугар Оборуона миниистиринэн анаммыт Андрей Белоусовы сахалар күтүөппүт, кэргэнэ Лариса -- композитор Марк…