Хаартыска: социальнай ситимтэн
Саха сирин социальнай ситимнэригэр улахан массыынанан ыраах айанныыр суоппардар видеолара тарҕаммыта.
Ол курдук, суоппардар «Якутские дальнобойщики за президента» былакааттаах тураллара видеоҕа көстөр. Кинилэр ортолоругар ыраах айан суоппардарын ассоциацияларын бэрэссэдээтэлэ Евдокия Дьячковская баар. Кини этэринэн, үгүс суоппардар элбэх оҕолоох ыал аҕалара, эһээлэрэ. Онон кинилэр дойдуга, эрэгийиэҥҥэ оҥоһуллар дьиҥнээх көмөнү, өйөбүлү сыаналыыллар.
«Элбэх сыл устата биһиги суоппардарбыт дойду устун айанныыллар. Урут суол олох суоҕа. Билигин суол тутуллар. Саха сирин олохтоохторун кытта Өлүөнэ муостата тутулларын эрэнэ күүтэбит. Оччоҕуна биһиги түргэнник, элбэх уустугу көрсүбэккэ Арктическай оройуоннарга тиийиэхпит этэ«, — диэн Евдокия Дьячковская санаатын үллэстэр.
Бэлиэтээн суруйдахха, ааспыт 2023 сылга «Куттала суох хаачыстыбалаах суоллар» диэн национальнай бырайыак чэрчитинэн 265 км суол оҥоһуллубута. Маны сэргэ өрөспүүбүлүкэҕэ улахан суолталаах 326 м Мөҥкүлэ үрэҕи туоруур муоста оҥоһуллубута. Онон арктическай оройуоннарга ас-үөл харыыта суох тиэрдиллэр. Өссө биир сүрүн суолталаах тутуунан Ленскэйгэ Ньүүйэ эбэни туоруур муоста буолар. Бу муоста эмиэ былырыын тутуллан үлэҕэ киирбитэ.
Хаартыска: социальнай ситимнэртэн
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…