Бу сыл алтынньытыгар «Ыраах Арктикаҕа кууппаллардаах дьиэлэри көрбүккүт дуо?» диэн үлэ киһитин туһунан суруйуубут элбэх ааҕааччы сэҥээриитин ылбыта.
Суруйуу дьоруойун туһунан ыстатыйа:
«Үөһээ Халыма улууһун олохтооҕо Степан Алексеевич Слепцов өбүгэтин сирин сөргүтэн, саҥалыы дьаһанан олороро, онуоха аныгы олоҕу кытары тэҥҥэ хардыылаан иһэрэ (урутаан да иһэрэ) киһини сөхтөрөр уонна эдэрдэргэ үтүө холобурунан буолар. Кини курдук мындыр толкуйдаах, күүстээх санаалаах, дэҥҥэ көстөр дьон баар буолан, хоту дойду дьоно айылҕалыын ситимин быспакка, ырааҕы көрөн, тыйыс усулуобуйаны тулуйан олохтоохтук дьаһанан олорор», -– диэн этиинэн саҕаламмыта.
Сылы түмүктээри уонна Үлэ сылын көрсөөрү олорон, хаһыаппыт дьоруойа ааһан эрэр сылы туох дьикти түгэннэрдээх түмүктээн эрэрин ыйытыластым.
Степан Слепцов сылы этэҥҥэ түмүктээн эрэллэрин, ситтэрбэтэҕи ситэргэ үлэ күөстүү оргуйбутун туһунан, саха киһитин сиэринэн, сэмэйдик кэпсээтэ.
Хороҕор муостаахтарыгар кыстыыр отторо баар. Быйылгы кыстыкка сүөһүлэрэ былырыыҥҥыттан аҕыйах, ол гынан баран ыанар ынахтара элбээбит.
Үөһээ Халымаҕа кэнники 4 сылга курааран, эбэлэрэ уолбуттар, онон кыһын ойбон эрдэ хайыырар, инньэ гынан ууларын бураанынан басталлар. Ол, биллэн турар, сылаалаах уонна ороскуоттаах.
«Бу кыстыкка кэнники үс сылга туппут кыра сыһыарыы дьиэбэр хочуол туруоруннум. Ол эмиэ икки кыһалҕаны эптэ: мас бэлэмнээһин үлэтэ элбээтэ. Урукку турар оһохпун эбии көмөлөһүннэрэбин. Уопсайынан, дьиэлэрбин тупсаҕай оҥороору, сылааһы киллэрээри үс сыл турунан үлэлээтим. Кууппаллаах дьиэни (хочуолунай, аккумулятор, туалет, үөһээ өттүгэр кыһыҥҥы дьоҕус саад) ититэргэ быйыл «Лиепснеле-Арктик» хочуол атыылаһан туруордубут. Маһынан, чоҕунан эмиэ үлэлиэн сөп. Биллэн турар, систиэмэ тардыытыгар да, хочуол турарыгар да кэккэ итэҕэстэр бааллар. Ол сайын эрэ көнөр кыахтаах», -– диэн кэпсээтэ.
Слепцовтар дьиэлэрин дьоҕус саадыгар (бэйэтэ таптаан ааттыырынан) лимон үүнэн силигилиир. «Үүннэрбитим син ыраатта да, кистэлэҥин биллим диир кыаҕым суох. Үксүгэр баччаларга сэбирдэҕин барытын быраҕан кэбиһээччи. Быйыл бу маннык турар, өссө 1 улахан лимоннаах. Саҥа дьылга быһыам».
Үлэ киһитэ, хоту дойду хоһууна Степан Алексеевич ситиһиилэрин ити курдук кылгастык билиһиннэрдэ.
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…