Ыраах Арменияттан махтал тылларын тиэртилэр (видео)

«Норуот үгэһин харыстааһын ийэ эрэллээх илиитигэр” национальнай-култуурунай түмсүүлэр норуоттар икки ардыларынааҕы пуорумнарыгар армян норуотун бэрэстэбиитэллэрэ олус көхтөөтүк кытыннылар. 

Мин болҕомтобун төлөпүөнүн туппутунан сылдьан, кимиэхэ эрэ араас омуктар астарын көрдөрө-көрдөрө кэпсиир эдэркээн кыыс тарта.

Кэпсэтэн билсибитим, маннык ис хоһоонноох ураты түгэн буолла — Арменияттан эҕэрдэтэ тутуҥ, Саха сирин дьоно!

Армяннар виноград сэбирдэҕэр эриллибит эти эрийэн, духуопкаҕа буһаран сииллэр. Бу — кинилэр национальнай бүлүүдэлэрэ.

Бэйэлэрин омуктарын бастыҥ бүлүүдэлэрин туһунан эдэр ийэлэр маннык билиһиннэрдилэр:

Хас биирдии кинилэр остуолларыгар чугаһаабыт киһи бу минньигэс аһы амсайар дьоллоннор.

Ити курдук, армян норуотун эдэр ийэлэрэ пуорумҥа көхтөөхтүк кыттан, бэрт элбэх национальнай куукунаны билэн, үөрэтэн бардылар.