Усуйаана улууһун Дьүкээгир нэһилиэгэ кыстыкка кыаҕа-күүһэ тиийэринэн бэлэмнэнэн олорор.
Бу суола-ииһэ суох ыраах сытар сиргэ кыстыкка сылга биирдэ таас чохторун, бэнсииннэрин, сэлээркэлэрин, аһы-үөлү тиэйтэрэн кэбиһэллэр. Былырыын бэлэмнээбит мастарын уу ылан, мууһуран хаалбыта. Онон оттук маска сүрдээх ыктарыылаах кыстык ааспыта. Бу дэриэбинэҕэ кииннэммит хочуолунай диэн суох, тэрилтэлэр бары тус-туспа хочуолунайдаахтар.
Аны туран, урукку курдук мас муоранан кэлбэт. Онон кииннэммит хочуолунай туһунан боппуруоһу туруорсубуттара ыраатта. Дьүкээгир нэһилиэгин “Теплоэнергосервис” диэн тэрилтэ хааччыйар. Таһыыта ыраах, ороскуота улахан диэн кииннэммит хочуолунайы билиҥҥитэ былааннаабаттар.
Олохтоох урбаанньыт Федор Горохов мас-мастаан абырыыр. Онуоха олохтоох дьаһалта (баһылык Е.Томскай) тиэхиньикэнэн көмөлөһөр. Дьиҥэ, 120 киһи олорор бөһүөлэгэр оҕо уһуйаана, оскуола, балыыһа уо.д.а. тэрилтэлэр бары бааллар. Быйыл саҥа кулуубу үлэҕэ киллэрбиттэр. 35 миэстэлээх саҥа оскуола туттараары эспэртиисэ бара сылдьарын үөрэх саҥа дьыла саҕаланаары турдаҕына истэргэ олус үчүгэй. Дьаһалта көҕүлээһининэн саҥа хонтуораны, икки кыбартыыралаах учууталлар олорор дьиэлэрин туттулар. Учууталлар дьиэлэрин чааһынай партнерствоҕа олоҕуран туппуттара. Дьаһалта хонтуоратыгар бибилэтиэкэни, почтаны киллэриэхтэрэ.
Матырыйаал күндү сиригэр, төһө да ыраах олордоллор, хата, тутуу барар эбит.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…