Анаабыр улууһун Сааскылаах бөһүөлэгэр оптоволокно утаҕын тардыы түмүктэннэ. Саха сиригэр иккис хоту улууска оптоволокно утаҕа үлэҕэ киирэрэ ситиһилиннэ. Үөрүүлээх быһыыга-майгыга РФ Цифровой сайдыытын миниистирэ Максут Шадаев уонна Ил Дархан Айсен Николаев кытыннылар.
“Аныгы олоххо интэриниэтэ суох олорууну киһи хайдах да ылыммат, дьон тупсаҕай усулуобуйаҕа олороругар олус наадалаах. Бу саҕалааһын эрэ, ол курдук, Саха сирин баһылыга Айсен Николаевтыын Саха сирин бары олохтоохторо интэриниэт ситимин туһаналларын хааччыйар сыалтан арктика улуустарыгар оптоволокно утаҕын салгыы тардар туһунан быһаарыстыбыт”, — диэн федеральнай миниистир Максут Шадаев эттэ.
“Элбэх сыллар тухары арктика аан дойду интэриниэтиттэн «олох ыраах» олорбута. Билигин Өлөөнү, Дьэлиҥдэни нөҥүөлээн Сааскылаахха диэри тиийдэ. Сотору Үрүҥ Хайаҕа тиийэн, Хотугу Муустаах акыйаан кытылыгар тиэрдиллэрэ ситиһиллиэҕэ. Бу — “Синергия Севера” диэн биһиги бырагыраамабыт бастакы хардыытын ситиһиитэ буолар. Икки хотугу улуус түргэн интэриниэт ситимигэр холбонно, өссө 11 улуус хаалла. Биһиги дойдубут бырабыыталыстыбатын уонна Максут Игоревич Шадаев салайар министиэристибэтин быһаччы өйөбүллэринэн ылыммыт сорукпутун олоххо киллэриэхпит диэн эрэнэбит”, — диэн Айсен Николаев чопчулаата.
«Ростелеком» ПАУо «Дальний Восток» филиалын дириэктэрэ Андрей Карташов билиһиннэрбитинэн, Өлөөн улууһун Дьэлиҥдэтиттэн Анаабыр улууһун Сааскылааҕар оптика утаҕын тардыыга үтүмэн үлэ ыытыллыбыт. Утах уһуна 311 км. Сотору кэминэн Сааскылаахха 22 социальнай эбийиэккэ оптика утаҕа холбонуллуоҕа. «Синергия Арктики» бырагыраама чэрчитинэн, 2025 сылга диэри Саха сирин хотугу улуустарын кииннэригэр түргэн интэриниэт тиэрдиллиэҕэ.
Санатар буоллахха, билиҥҥи туругунан Саха сирин үрдүнэн 13 тыһ. км уһуннаах оптика утаҕа тардыллыбыт уонна 373 нэһилиэнньэлээх пуун түргэн интэриниэтинэн хааччыллара ситиһиллибит. 2020 сыллаахха арктика улуустарыттан бастакынан Өлөөн улууһугар оптика утаҕа тиэрдиллибитэ.
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…
“Назар Петров биһиги ытыктыыр биир идэлээхпит, Өлөөн улууһун оройуоннааҕы киин балыыһатын кылаабынай бырааһа. Кини –…