Анна Петрова кылаабынай быраастаах Уус Алдан улууһун Оройуоннааҕы киин балыыһатын быраастара уонна мэдиссиинискэй сиэстэрэлэрэ ыраах сытар Бээрийэ сэлиэнньэтигэр биир нэдиэлэ устата үлэлээтилэр.
Мэдиссиинискэй десант онкоскрининга ананна. Эмчиттэр 107 киһини көрдүлэр. Олохтоохтор УЗИ уонна ЭКГ аппарааттарга түстүлэр, хаан анаалыһын (ол иһигэр, онкомаркерга, онкоцитологияҕа уонна микрофлораҕа) туттардылар. Мэдиссиинискэй чинчийии түмүктэринэн 11 киһиэхэ доруобуйатын оройуоннааҕы поликлиникаҕа сиһилии көрдөрүнэригэр эттилэр. Көмпүүтэр томографиятыгар суруйтарбыт 7 эмтэнээччигэ «от күөх көрүдүөр» аһыллыаҕа, ол эбэтэр көмпүүтэр томографиятыгар уочарата суох көрдөрүнэр күнү аныахтара. Ону таһынан сорохтору рентгеҥҥэ уонна маммографияҕа суруйдулар. 7 киһи онкопатологияҕа көрдөрүнэр буолла.
Десант кэмигэр Оройуоннааҕы киин балыыһа кылаабынай бырааһа Анна Петрова олохтоохтору кытары көрүстэ. Киниэхэ сүрүннээн мэдиссиинискэй-социальнай экспертиза, үрдүк технологиялаах мэдиссиинискэй көмө, коронавирус кэнниттэн доруобуйаны чөлүгэр түһэрии тустарынан ыйытыылары биэрдилэр. Ону таһынан Анна Саввичнаҕа, оройуоннааҕы сэбиэт дьокутаатын быһыытынан, байыаннай сулууспалаахтар төрөппүттэрэ социальнай кыһалҕаларын үллэһиннилэр.
Биллэн турар, кыһалҕалар биир күнүнэн быһаарыллыбаттар, ол гынан баран, боппуруостары уопсай күүһүнэн быһаарыахха сөп.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…