Хаартыска: Доруобуйа харыстабылын министиэристибэтэ
Саха сиригэр ыраах сытар нэһилиэнньэлээх пууннар олохтоохторо эмтээх препараттары онлайн-сакаас оҥорон боруобалыахтара. Быйыл муус устарга “Сахафармация” АУо бырайыагы Нам улууһуттан саҕалыаҕа.
СӨ Доруобуйа харыстабылын министиэристибэтэ иһитиннэрэринэн, саҥаны киллэрии Саха сирин олохтоохторо эминэн хааччыллыыларын өссө табыгастаах оҥоруоҕа. Эми атыылаһыы бу систиэмэтэ чуолаан ыраах сытар нэһилиэнньэлээх пууннар олохтоохторугар суоттаныллар.
«Саҥа хааччахтааһыннар усулуобуйаларыгар биһиги доруобуйа харыстабылын эйгэтигэр биир дьоһун суолталаах үлэбитинэн мэдиссиинискэй тэрилтэлэри эмтээх препараттарынан уонна мэдиссиинискэй тэриллэринэн хааччыйыы буолар”, — диэн Ил Дархан Айсен Николаев этэн турар.
Эми-тому онлайн-көрүҥүнэн сакаастыырга саайтка эбэтэр мобильнай сыһыарыыга киириллэр. Эмп төһө кэлэринэн, оройуон аптекатыгар бэриллэр эбэтэр дьиэҕэ аҕалаллар. “Сахафармация” АУо генеральнай дириэктэрэ Степан Кусатов эппитинэн, билигин эмтээх табаары тириэрдии көрүҥэ үөрэтиллэр: таксилар сулууспаларынан дуу, оройуоннааҕы киин балыыһа күүһүнэн дуу.
«Саха сиригэр эми-тому маннык көрүҥүнэн хааччыйыыга олус наадыйаллар. Ордук аптекаҕа суох нэһилиэнньэлээх пууннарга наадалаах. Дьоҕус биисинэс дьоно 1000-1500 нэһилиэнньэлээх да пууннарга кэммиэрчэскэй аптекалары арыйаллара барыһа суох. Оччотугар 200-300 киһи олорор бөһүөлэктэр тустарынан этэ да барыллыбат”, — диир Степан Кусатов.
Боруобалыыр бырайыак Нам улууһугар Оройуоннааҕы киин балыыһа көҕүлээһининэн киллэриллэр. Манна наадалаах мэдиссиинискэй тэриллэри атыыластылар, аптека пууннарыгар үлэлииргэ исписэлиистэри үөрэттилэр, «Сахафармация» табаарынай кирэдьиит быһыытынан өйөбүлү хайыы үйэ оҥордо.
Эмтэри ыраах нэһилиэнньэлээх пууннарга тириэрдии өссө биир көрүҥэ — “мобильнай дуоктардарынан” тириэрдии.
Арктикаҕа барар көһө сылдьар мэдиссиинискэй биригээдэлэр бэйэлэрин тэриллэрин таһынан, эми-тому (ол иһигэр, чэпчэтиинэн туһанааччыларга) тириэрдиэхтэрин сөп. Ол курдук, соторутааҕыта Чокурдаах, Муома, Баатаҕай, Белай Гора ыарыһахтарыгар тириэрдибиттэрэ. Бу таһаҕас сайаапка быһыытынан “Сахафармация” ыскылааттарыгар бэлэмнэниллэр.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…