Ыраах сытар сэлиэнньэлэр олохтоохторун көһө сылдьар комплекстар абыраатылар

“Доруобуйа харыстабыла” Национальнай бырайыак чэрчитинэн атыылаһыллыбыт КАМАЗ базатыгар үлэлиир көһө сылдьар мэдиссиинискэй комплекстар Саха сирин ыраах сытар нэһилиэнньэлэригэр 437 сырыыны оҥордулар.

Көһө сылдьар биригээдэлэр сыстыгана суох ыарыылары, онкология ыарыыларын эрдэттэн быһаарарга мэдиссиинискэй чинчийиилэри уонна нэһилиэнньэҕэ диспансеризацияны ыыттылар. Ону таһынан доруобуйаны бөҕөргөтөргө, чөл олоҕу тутуһарга сэрэтэр дьаһаллары ыыттылар. Онон,  мэдиссиинэ үлэһиттэрэ 2022 сылга барыта 32 тыһыынчаттан тахса киһи доруобуйатын бэрэбиэркэлээтилэр.

Онон, бастакы сүһүөх мэдиссиинискэй-санитарнай көмө систиэмэтин сайыннарарга анаммыт дьаһаллар көмөлөрүнэн ыраах сытар уонна аҕыйах нэһилиэнньэлээх  сирдэр олохтоохторугар мэдиссиинэ хаачыстыбалаах уонна табыгастаах көмөтө оҥоһуллар.