Ыраах сытар, уустук суоллаах сирдэргэ болдьох иннинэ куоластааһын салҕанар

Саха сиригэр уустук суоллаах-иистээх, ыраах сытар сирдэргэ быыбар болдьоҕун иннинэ куоластааһын салҕанан барар.

Өрөспүүбүлүкэҕэ маннык ньыманан барыта 25 оройуоҥҥа 8049 быыбардааччы куоластыа. Быыбардыыр хамыыһыйа чилиэннэрэ 1166 быыбардааччыга диэри салгын тырааныспарынан, оттон 6883 быыбардааччыга сиринэн айаннаан тиийиэхтэрэ.

Бу туһунан СӨ Киин быыбардыыр хамыыһыйа иһитиннэрэр.

Атырдьах ыйын 29 күнүнээҕи туругунан уустук суоллаах-иистээх, ыраах сытар 13 оройуоҥҥа 641 быыбардааччы куоластаата.

Уустук суоллаах-иистээх, ыраах сытар сирдэргэ быыбардыыр хамыыһыйалар тиийэн, болдьох иннинээҕи куоластааһыннары тэрийиилэрэ 2023 с. балаҕан ыйын 7 күнүгэр диэри ыытыллыа.