Хаартыска «Саханефтегазсбыт» пресс-сулууспатыттан
Саха сиригэр 2025–2026 сыллардааҕы оттук сезонун этэҥҥэ аһарарга анаан, ыраах сытар, уустук суоллаах улуустарга уматыгы тиэйии түмүктэнэн эрэр. Бу туһунан СӨ ОДьКХ уонна энергетикаҕа министиэристибэтэ иһитиннэрдэ.
Биэдэмистибэҕэ бэлиэтээбиттэринэн, уматыгы тиэйии ОДьКХ тэрилтэлэригэр уонна олоҕу хааччыйар эбийиэктэргэ сөптөөх уматык-энергетическай ресурс саппааһын оҥорорго туһуламмыт былааннаах навигация чэрчитинэн ыытыллар.
«468,4 тыһ. туонна былаантан, 465,1 тыһ. туонна уматык тиэйилиннэ — бу былаан 99 бырыһыана буолар. Анал пууннарыгар 464,2 тыһ. туонна тиэрдилиннэ, ити эмиэ 99 бырыһыан. Навигация кэмигэр уматыгы тиэйии түмүктэнэн эрэр, онтон хаалбыт кээмэйэ кыһыҥҥы суолунан тиэрдиллиэҕэ», – диэн биэдэмистибэҕэ кэпсээтилэр.
Бэлиэтэнэринэн, өрөспүүбүлүкэҕэ ОДьКХ тэрилтэлэригэр 669 тыһ. туонна кытаанах оттук мунньулунна. Убаҕас оттук саппааһа 189 тыһ. туонна кээмэйдээх оҥоһулунна. Ол иһигэр: чох — 669 тыһ. туонна, ньиэп — 75 тыһ. туонна, гаас конденсата — 14,5 тыһ. туонна, дизельнэй уматык — 99 тыһ. туонна.
«Олоҕу хааччыйар бөдөҥ тэрилтэлэргэ кыһыҥҥы суол аһыллыар диэри сөптөөх уматык саппааһа оҥоһулунна. Навигациянан тиэйии уматыгы түһэрэр баазаларга түмүктэнэр, онтон кыһын уматык ыраах нэһилиэнньэлээх пууннарга тиэрдиллиэҕэ», – диэн эрэгийиэн ОДьКХ уонна энергетикаҕа министиэристибэтигэр эттилэр. Биэдэмистибэҕэ бэлиэтээбиттэринэн, өрөспүүбүлүкэ бырабыыталыстыбатын хонтуруолугар киин, арҕаа уонна соҕуруу улуустарга баар хомунаалынай комплекс тэрилтэлэрин, ол иһигэр дьоҕус уонна орто урбаан субъектарын, уматыгынан-энергетическэй ресурсаларынан хааччыллыылара турар.
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…