«Үрдэл» кииҥҥэ тиис эмтиир хостоннулар

Намҥа  «Үрдэл» дьыалабыай кииҥҥэ стоматология хоһо арыллыбыт. Бу туһунан Нам улууһун дьаһалтатын саайтыгар суруллар.

Ол курдук, тиис эмтиир анал хоһу эдэр урбаанньыт Сардаана Свинобоева СӨ Доруобуйа харыстабылын министиэристибэтиттэн көҥүл ылан, дьыалабыай киин үһүс мэндиэмэнигэр икки хоһунан аспыт. Манна оҕолор да, улахан да дьон тиистэрин эмтэтэллэригэр, рентген аппараатынан чинчийиини ааһалларыгар усулуобуйа толору тэриллибит.

Мустубут ыалдьыттарга Сардаана Свинобоева экскурсия тэрийбит. Эдэр урбаанньыкка саҥа саҕалааһыннарыгар ситиһиини, дьон-сэргэ махталын ыла турарыгар баҕарабыт диэн пресс-сулууспа суруйар.

“Нам улууһа” МТ пресс-сулууспата суруйуута, хаартыската.