«Үрдэл» паарка ресторана бүгүн иккиһин умайда

Бүгүҥҥү күҥҥэ Дьокуускай куорат мыраанын үрдүгэр «Үрдэл» паарка ресторана иккиһин умайда.

Сарсыарда ресторан умайа сыыспытын, онно 25 кв. м. иэннээх сир былдьаммытын туһунан суруйбуппут,  онтон киэһэтин аны иккиһин бүтүннүү умайда. Тахсыбыт быһылаанынан ЫБММ, полиция үлэһиттэрэ дьарыктаналлар.

Социальнай ситимҥэ дьон арааһы бары  суруйар. Ааспыт сылга онно кафе умайа сыыспыт, аны соторутааҕыта ыт дьахтары тутан сии сыста. Оттон бүгүн иккитэ төхтүрүйэн ресторан умайда.