Хаартыска: А.Сорокин (ЯСИА)
БКЭ-ни туттарарга сайабылыанньа биэриитэ бүтүөн икки нэдиэлэ иннинэ дойду үрдүк үөрэхтэрин кыһалара булгуччулаах эксээмэннэр испииһэктэрин саҥартылар. Бу туһунан «Известия» хаһыат иһитиннэрэр.
Үөрэх уонна наука министиэристибэтэ эрдэ бигэргэппит уларыйыылара бу сыл кулун тутар 1 күнүттэн күүстэригэр киириэхтэрэ диэн чуолкайданар. Саҥардыылар үөрэх 48 хайысхатын таарыйдылар. Ол курдук, маннык биридимиэттэр булгуччулаах буолуохтара: тэхиниичэскэй идэлэргэ – физика, оттон гуманитарнай хайысхаларга – история, — диэн таһаарыы быһаарар.
Ону таһынан, педагогическай хайысхаларга үһүс тургутууга туттарыллар биридимиэттэр ахсааннарын аҥаарынан уонна онтон элбэҕинэн аччаттылар. Оттон сорох атын идэлэргэ, төттөрүтүн, үөрэххэ киирэргэ туттарыахха сөптөөх биридимиэттэр испииһэктэрин кэҥэттилэр.
Бу иннинэ Рособрнадзор 2026 сыллааҕы оскуоланы бүтэрээччилэргэ БКЭ-ни туттарыыга саамай намыһах бааллары бигэргэппитэ иһитиннэриллибитэ. Билигин аттестат ылар инниттэн БКЭ-ҥэ нуучча тылыгар саамай кырата 24 баалы ылыахха наада. Ону таһынан, математиканы — «үс» сыанаҕа, эбэтэр профильнай математиканы кырата 27 баалга туттарыахтааххыт. Бу иннинэ Үөрэх уонна наука министиэристибэтэ үрдүк үөрэх кыһаларыгар үс оннугар түөрт БКЭ түмүгүнэн үөрэххэ ылар туһунан көҕүлээһини өйөөбөтөҕө.
ИДьМ сулууспатын Ленскэй оройуонун отделын дьуһуурунай чааһыгар кыһыл көмүс сыабын уонна 6 тыһ. солкуобайын уорбуттарын…
Саха сиригэр уопсай үөрэхтээһин тиһигэр каадыр боппуруостарын быһаарарга туһуламмыт «Сетевой учуутал» бырайыак кэҥэтиллиэҕэ. Сөптөөх сорудаҕы…
«Дом.РФ» баан сабаҕалыырынан, Арассыыйа Киин Баанын сүрүн ыстаапката соторунан сыыйа намтаан барыа. Ол түмүгэр ырыынак…
Саха сиригэр «Ойууру авиация көмөтүнэн харыстыыр Дьокуускайдааҕы баазата» тэрилтэ Эдьигээн уонна Орто Халыма куораттарыгар тэриллэр…
Күннээҕи түбүк быыһыгар, чуолаан үөрэх эйгэтигэр төһө элбэх үлэ ыытылларын бу салааттан ыраах киһи иҥэн-тоҥон…
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов …