Үрдүк үөрэх тэрилтэлэрин устудьуоннара устуоруйаны чиҥэтэн үөрэтиэхтэрэ

РФ Билимҥэ уонна үрдүк үөрэххэ министиэристибэтэ дойду үрдүк үөрэҕин тэрилтэлэригэр устуоруйаны булгуччу үөрэтии алын чааһын быһаарда.  

2023 сыл балаҕан ыйын 1 күнүттэн специалитет уонна бакалавриат бырагыраамаларын иитинэн бары исписээлинэстэргэ уонна хайысхаларга “Арассыыйа устуоруйата” дьиссиппилиинэни түөрт зачетнай единицаттан итэҕэһэ суох (ортотунан 144 академическай чаас) үөрэтиэхтээхтэр.

Маныаха преподаватель устудьуоннары 80% итэҕэһэ суох олоҕурбут көрүҥүнэн (очно), 40 % итэҕэһэ суох олоҕурбут-кэтэхтэн (очно-заочно) уонна кэтэхтэн (заочно) көрүҥүнэн үөрэтиэхтээх.

Онон үрдүк үөрэхтэр устудьуоннарын эһиилгиттэн  ыстандаарка сөп түбэһэр саҥардыллыбыт бырагырааманан үөрэтиэхтэрэ. Туһааннаах бирикээс номнуо бигэргэммит. Ити туһунан РФ Билимҥэ уонна үрдүк үөрэххэ министиэристибэтин телеграм ханаалыгар суруйар.

Хаартыска: СИАтан.