Хаартыска: СИА
Олунньу 21 күнүгэр Федеральнай Мунньахха этиитигэр үрдүк үөрэх кыһаларыгар Арассыыйаҕа олохсуйбут систиэмэҕэ көһөр наадатын туһунан Владимир Путин эттэ.
Уларыйыылар ханнык баҕарар базовай үрдүк үөрэхтээһин кэннэ босхо магистратураҕа киирэргэ көмөлөһүөҕэ, диэн Арассыыйа үөрэххэ уонна наукаҕа миниистирэ Валерий Фальков быһаарда.
Ону тэҥэ, күүтүллэр:
— үөрэнии болдьоҕо түөртэн алта сылга диэри. Маныаха, идэттэн, салааттан уонна ырыынак наадыйыытыттан тутулуктаах, биир идэҕэ эбэтэр биир үрдүк үөрэх тэрилтэтигэр араас болдьохтоох бырагыраамалар баар буолуохтарын сөп;
— өскөтүн идэ эбии бэлэмнэниигэ эбэтэр узкай идэни ирдиир буоллаҕына, үөрэҕи магистратураҕа эбэтэр ординатураҕа салгыахха сөп;
— идэтийбит үөрэхтээһин туспа таһымыгар аспирантура киириэ. Бу соруга — научнай уонна преподавательскай үлэҕэ каадырдары бэлэмнээһин;
— билигин үөрэнэр устудьуоннар үөрэхтэрин билигин туһана сылдьар бырагыраамаларынан салгыахтарын сөп;
— үрдүк үөрэх туһунан дипломнар уонна бакалавриат, специалитет, магистратура билиҥҥи бырагыраамаларынан үөрэммит дьон бэлэмнэниитин таһымын хаттаан көрүллүө суоҕа.
Дойду баһылыга саҥа тиһиккэ көһүү сыыйа буолуохтааҕын бэлиэтээбитэ. Ол иһин Бырабыыталыстыбаҕа парламены кытта бииргэ сокуоннаска көннөрүүлэри киллэриэхтээх. Арассыыйа олохтоохторугар үрдүк үөрэхтээһин, үлэ булунуу уонна идэни баһылааһын эйгэтигэр саҥа кыахтар үөскүөхтээхтэр.
Бу күннэргэ Улуу Кыайыы 80 сылыгар улуустарга уонна нэһилиэктэргэ Бэтэрээннэр искибиэрдэрин саҥардан оҥордулар, Кыайыы болуоссаттарыгар…
Ыам ыйын 8-9 күннэригэр Үөһээ Бүлүү улууһун Мэйик нэһилиэгэр Кыайыы 80 сылын көрсөр тэрээһин үрдүк…
Улуу Кыайыы 80 сылын көрсө, Аҕа дойду Улуу сэриитин кыттыылааҕа, ууну-уоту ортотунан ааһан, Улуу Кыайыыны…
Ыам ыйын 6 күнэ. Ил Дархан дойду Үөрэҕин миниистирэ Сергей Кравцовы кытта Дьокуускайдааҕы кадетскай оскуолаҕа…
Сунтаарбыт саамай элбэх үөрэнээччилээх, улахан кээмэйдээх оскуолатыгар быйыл улахан өрөмүөн үлэтэ ыытыллар. "Модернизация школьных систем"…
Дьокуускай куорат аҕам саастаах олохтоохторо түөкүттэргэ итэҕэйэн 23 мөлүйүөн солкуобайы уордарбыттарын туһунан ИДьМ пресс-сулууспата иһитиннэрэр.…