Хаартыска: СИА.
Кулун тутартан Арассыыйа үрдүк үөрэхтэригэр ылыы саҥа быраабылата киирдэ. Туох?
Дойду билимин, үрдүк үөрэҕин министиэристибэтин докумуонугар олоҕурдахха, уларытыылары киллэрии быйылгыттан 2029 сыл балаҕан ыйын 1 күнүгэр диэри үлэлиэҕэ.
“Үрдүк үөрэх быраабылатын тупсарыы – үрдүк үөрэх бары систиэмэтин тупсарыы кэлимсэ үлэтин солбуллубат чааһынан буолар. Абитуриеннар үөрэххэ туттарсалларыгар ордук өйдөнөр уонна табыгастаах усулуобуйалара тэрилиннэ, талааннаах оҕолор бүддьүөт суотугар туттарсалларыгар өссө элбэх кыах бэриллэр. Үрдүк үөрэх экэниэмикэ сүрүн салааларыгар күүстээх каадыры бэлэмниир соруктаах” – диэн Билим, үрдүк үөрэх миниистирэ Валерий Фальков этэн турар.
Ол курдук, тохсунньу 20 күнүгэр үрдүк үөрэх кыһалара үөрэххэ туттарсыы быраабылатын таһаарыахтаахтар.
Бэс ыйын 20 күнүттэн үөрэххэ тутуу хампаанньата саҕаланар. Бүддьүөт суотугар туттарсааччылартан атырдьах ыйын 29 күнүгэр, төлөбүрдээх үөрэххэ туттарсааччылартан балаҕан ыйын 30 күнүгэр докумуону тутан бүтэллэр.
Сокуонунан биэс үрдүк үөрэх тэрилтэтигэр хас биирдиитигэр биэс исписээлинэскэ докумуону биэриэххэ сөп.
Аны бүддьүөт суотугар киирэргэ (зачисление) аттестаты бэйэтин (оригинал) илдьэн туттарар ирдэммэт. Электроннай көрүҥүнэн үөрэххэ киирэргэ (зачисление) сөбүлэҥ туһунан сайабалыанньа эрэ ирдэнэр буолуоҕа. Бу курдук сайабылыанньаны үрдүк үөрэх биир эрэ идэтигэр биэриэххэ сөп.
Аны тус сыаллаах үөрэххэ туттарсааччылар тус ситиһии иһин 15 баалга диэри сурунуохтарын сөп – 10 уопсай ситиһии уонна 5 идэҕэ эрдэттэн туһаайыыга кыттыы иһин.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…