Хаартыска: Мэдиссиинэ киинэ.
Дьокуускай куоракка тэриллиэхтээх үрдүк үөрэхтэр кампустарыгар Михаил Николаев аатын иҥэриэхтэрин сөп. Ити туһунан этиини Бырабыыталыстыба бэрэссэдээтэлин солбуйааччы Анатолий Семенов СӨ бастакы бэрэсидьиэнэ үөрэххэ, саҥаны киллэриигэ оруолун ырытыһыыга аналлаах “БАСТАКЫ” Николаев-кулууп IV мунньаҕар көтөхтө.
“Михаил Николаев киһи хапытаалын сайыннарыыны өрүү инники күөҥҥэ тутарын бары билэбит. Биһиги айдарыылаах уонна көхтөөх ыччаппыт бэйэтин аналын, дьоҕурун булан, кыаҕын өрөспүүбүлүкэҕэ олоххо киллэрэригэр табыллары барытын оҥорбута. Аан дойду таһымнаах үрдүк үөрэхтэр кампустара Дьокуускайга тэриллиитэ бу улахан кыах сайдарыгар төһүү буолара саарбахтаммат. Кини Саха сирин үөрэҕин, билимин систиэмэтэ сайдыытыгар уһулуччу кылаатын бэлиэтээн туран, биһиги тустаах кампуска Михаил Ефимович аатын иҥэрэргэ этии киллэрэбит” , – диэн Анатолий Семенов эттэ.
Арассыыйатааҕы юристар ассоциацияларын Саха сиринээҕи салаатын салайааччыта, юридическай билим дуоктара Александр Ким-Кимэн ааспыт мунньахтар араас тиэмэҕэ анаммыттара Михаил Николаев үгүс өрүттээх талааннааҕын, дириҥ идиэйэлээҕин туоһулуур диэн бэлиэтээтэ.
“Бастакы бэрэсидьиэн дойду сайдыыта иннин диэки сыҕарыйарыгар тирэх буолар сүрүн докумуоннары баттаһыыны көҕүлээбитин быһыытынан, Саха сирин судаарыстыбаннаһа эрэ буолбакка, саҥа Арассыыйа федеративнай укулаата төрүттэниитигэр олук уурсубутун бэлиэтиэхпин баҕарабын. Бүгүн Ил Дархан Айсен Николаев Михаил Ефимович улуу хамсааһынын сайыннарар уонна саҥа экэниэмикэ сайдыытыгар үгүс үлэни ыытар. Кини ыйааҕынан Саха сирин бастакы бэрэсидьиэнин төрөөбүт күнэ, сэтинньи 13 күнэ Инновация күнүнэн биллэриллибитэ үөрүүлээх”, – диэн Александр Николаевич бэлиэтээтэ.
Мунньахха өрөспүүбүлүкэ Билимин академиятын вице-бэрэсидьиэнэ Геннадий Толстых, Саха сирин сайыннарар корпорация генеральнай дириэктэрэ Афанасий Саввин, АГИКИ ректора Саргылана Игнатьева, ХИФУ юридическай бакылтыатын устудьуоннара Петр Капралов уонна Карина Иванова тыл эттилэр. Үөрэх уонна билим сайдыытын туһунан Николаев-киин салайааччыта Юрий Семенов сиһилии кэпсээтэ. “Медико-генетическэй сулууспа, сайдыы суоллара, биобанкинг” тиэмэҕэ дакылааты М.Е.Николаев аатынан мэдиссиинэ национальнай киинин генеральнай дириэктэрэ Станислав Жирков аахта. Сиһилии манна ааҕыҥ.
Ил Дархан уонна Бырабыыталыстыба пресс-сулууспата.
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…