Саха сирэ үчүгэйдик сайдар уонна Бэрэсидьиэн этэринэн, бойобуой киирсии лииньийэтигэр аан да дойдуга суох байыастары ыытар. Бу туһунан Арассыыйа Бэрэсидьиэнэ Владимир Путин “Сыл түмүктэрэ” бырагыраама кэмигэр эттэ.
Саха сирин Ил Дархана Айсен Николаев Арассыыйа Бэрэсидьиэнин үрдүк сыанабыла өрөспүүбүлүкэ олохтоохторугар ураты суолталаах диэн бэлиэтээтэ.
“Үрдүкү Кылаабынай хамаандалааччы бу тыллара – өрөспүүбүлүкэбитигэр улахан чиэс. Байыастарбытын кытта госпиталларга уонна инники кирбиигэ көрсүһэрбэр, мин кинилэр санааларын күүһүн, ис-иһиттэн хомуллуулаахтарын, сэмэйдэрин уонна кытаанах майгыларын көрөбүн. Бүгүн маннык дьон саа-саадах тутан эйэни, дойдуга куттал суох буолуутун уонна кэлэр кэскили көмүскүүллэр. Кинилэр хорсун быһыылара – барыбыт киэн туттуута уонна дириҥ ытыктабыла”, — диэн МАХ канаалыгар Саха сирин баһылыга Айсен Николаев суруйда.
Айсен Николаев Бэрэсидьиэн өрөспүүбүлүкэ култуураҕа көҕүлээһиннэрин өйүүрүн туһунан иһитиннэрдэ.
“Биһиги “Тута” диэн позывнойдаах Арассыыйа Дьоруойа Андрей Григорьев туһунан киинэни оҥорууга уонна быракаакка өйөбүлү ыллыбыт. Саха киинэтэ биллэр бренд буолла уонна бүгүн хорсун быһыы, патриотизмҥа иитии туһунан кэрэһилиэҕэ. Владимир Владимирович ураты истиҥник Муусука Үрдүкү оскуолатыгар сырыытын санаата, кини сорудаҕынан саҥа дьиэтэ билигин тутулла турар”, — диэтэ Айсен Николаев.
Өрөспүүбүлүкэ баһылыга Бэрэсидьиэн сомоҕолоһуу туһунан олус чопчу эппитин бэлиэтээтэ.
“Кини аҕалбыт холобура, доҕордуу араас омук бэрэстэбиитэллэрэ бэйэлэрин судургу “быраат” диэн тылынан ааттыыллар. Бу манна – Саха сирин уонна Арассыыйа дьиҥнээх ис хоһооно. Ханнык баҕарар ыарахаттарга, тоһуттар тымныыларга, биһигини түмсүүлээх буолуубут, Кыайыыга эрэлбит түмэр”, — диэтэ Айсен Николаев.
sakha.gov.ru
Сиһилии: https://www.sakha.gov.ru/news/17522
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…