Үрдүкү кылаас оҕолоругар уонна оскуоланы бүтэрээччилэргэ үөрэх сэртипикээттэрин олохтуохтара

Бүгүн Ил Дархан Айсен Николаев Ил Түмэҥҥэ туһаайбыт Анал этиитигэр 2024 сылы Оҕо саас сылынан биллэрдэ, кэлэр сылга туохха болҕомто уурар ирдэнэрин ыйда. Олортон биирдэстэринэн үөрэх сэртипикээтэ буолар. 

“Хас биирдии оҕо олоххо бэлэмнээх буолуохтаах. Үрдүкү кылаас оҕолоро өссө оскуолаҕа үөрэнэр сылларыгар бастакы идэлэрин ылыахтаахтар. Баҕалаах оҕолору идэҕэ бэлэмнээһиҥҥэ 20 тыһ. солк. суумалаах үөрэх сэртипикээттэрин улуустары кытта олохтооһуну тэрийэргэ Бырабыыталыстыбаҕа сорудах биэрэбин. Ону тэҥэ, өрөспүүбүлүкэҕэ ирдэнэр исписээлинэстэри ылыан баҕалаах оскуоланы бүтэрээри сылдьар элбэх оҕолоох ыал оҕолоругар, орто анал үөрэххэ үөрэнэллэрин толуйалларыгар 50 тыһ. солк. суумалаах сэртипикээттэри олохтуурга”, — диэн сорудахтаата.